Numeros 26 - Old Testament Quechua Wanca（QVW）

Israel caśhta müsucunätam sinsapäcun

1Chaypïtam Moisestawan sasirdüti Aaronpa chulin Eleazarta Tayta Dios nin:

2“Jinantin Israel caśhtacunäćhu ayllunpa, wasinpa-cama ishcay ćhunca (20) watayüpi janaman allin walaśhcunacta pilyananpä sinsapäcunqui”Num 1.1-46. nil.

3Chaymi Jerico malcap chimpanćhu, Jordan mayup patanćhu cä Moab lädup ulꞌunćhu Moiseswan sasirdüti Eleazar Israel caśhtacunäta nin:

4“Moisesta Tayta Dios nishanmannu ishcay ćhunca watayüpi janaman sinsapäcuy” nil.

Egiptopi yalamü Israel caśhtacunäpa milaynincunamari caycuna cala:

5Israelpa wamä chulin Rubenpam caycuna: Enoc, Falu,

6Hezron, Carmi, lluy milaynincunawan-cama capäcula.

7Chayurá Ruben ayllup milaynincuna capäcula tawa ćhunca quimsa walanga anćhish paćhac quimsa ćhunca (43,730) wayapacunam.

8Falupa chulinñatacmi Eliab.

9Eliabpa chulinñatacmi: Nemuel, Datan, Abiram cala. Cay Datanwan Abirammi Tayta Diospa cuntran śhalcü Coreman jucllachaculcul Moisespa, Aaronpa cuntranman śhalcälälila.

10Jinaptinmi Datanta, Abiramta, chaynütac Coretapis allpaca millpacalpula. Chaynütacmi ishcay paćhac picha ćhunca (250) nunacunapis nina lupaywan wañülälila. Caynu pasala mayanpis cuntranman mana śhalcapäcunanpämari.

11Corepa chulincunañatacmi mana wañupäculachu.

12Simeon ayllupïñatacmi caycuna: Nemuel, Jamin, Jaquin,

13Zerah, Saul, lluy milaynincunawan-cama cala.

14Chayurá Simeon ayllućhu ishcay ćhunca ishcayniyu walanga ishcay paćhac (22,200) nunacunam capäcula.

15Gad ayllupïñatacmi caycuna: Zefon, Hagui, Suni,

16Ozni, Eri,

17Arod, Areli, lluy milaynincunawan-cama capäcula.

18Chayurá Gad ayllućhu tawa ćhunca walanga picha paćhac (40,500) nunacunam sinsäśha capäcula.

19Juda ayllupïtañatacmi Er, Onan chulincuna Canaan malcällaćhüla cayalcal wañuculcäla.

20Juda ayllupïtam caycuna: Sela, Fares, Zera, lluy milaynincunawan-cama capäcula.

21Farespa chulincunañatacmi: Hezron, Hamul, lluy milaynincunawan-cama capäcula.

22Chayurá Juda ayllućhu anćhish ćhunca sütayu walanga picha paćhac (76,500) nunacunam sinsaśha capäcula.

23Isacar ayllupïtañatacmi caycuna: Tola, Fua,

24Jasub, Simronpis lluy milaynincunawan-cama capäcula.

25Chayurá Isacar ayllućhu süta ćhunca tawayu walanga quimsa paćhac (64,300) nunacunam sinsaśha capäcula.

26Zabulon ayllućhüñatacmi caycuna: Sered, Elon, Jahleel, lluy milaynincunawan-cama capäcula.

27Chayurá Zabulon ayllućhu süta ćhunca walanga picha paćhac (60,500) nunacunam sinsaśha capäcula.

28Josepïñatacmi ishcay ayllu yalula: Manaseswan Efrain.

29Manasespa ayllupïtañatacmi cala: Maquir lluy milaynincunawan. Maquirpa chulinñatacmi: Galaad lluy milaynincunawan cala.

30Galaadpa milaynincunañatacmi: Jezer, Helec,

31Asriel, Shiquem,

32Semida, Hefer, lluy milaynincunawan-cama capäcula.

33Heferpa chulin Zelofehadpa wamlacamallam chulincuna capäcula. Paycunam cala: Maala, Noa, Hogla, Milca, Tirsapis.

34Chayurá Manases ayllucunaca picha ćhunca ishcay walanga anćhish paćhac (52,700) nunacunam sinsaśha capäcula.

35Efrain ayllupïtañatacmi caycuna: Sutela, Bequer, Tahan, lluy milaynincunawan-cama capäcula

36Sutelap milayninñatacmi: Eran lluy milaynincunawan-cama capäcula.

37Chayurá Efrainpa milaynincuna quimsa ćhunca ishcayniyu walanga picha paćhac (32,500) nunacunam sinsaśha capäcula. Lluy caycunamari Jose ayllup milaynincuna capäcula.

38Benjamin ayllućhüñatacmi: Bela, Asbel, Ahiram,

39Sufam, Hufam, lluy milaynincunawan-cama capäcula.

40Belap milaynincunañatacmi: Ard, Naaman lluy milaynincunawan-cama capäcula.

41Chayurá Benjamin ayllup tawa ćhunca pichayu walanga süta paćhac (45,600) nunacunamari sinsaśha capäcula.

42Dan ayllućhüñatacmi: Suham lluy milaynincunawan-cama capäcula.

43Chayurá Suhampa milaynincunamari süta ćhunca tawayu walanga tawa paćhac (64,400) nunacuna sinsaśha capäcula.

44Aser ayllućhüñatacmi: Imna, Isui, Beria, lluy milaynincunawan-cama capäcula.

45Beriap milaynincunañatacmi: Heber, Malquiel, lluy milaynincunawan-cama capäcula.

46Aserpa wamla chulinñatacmi Sera cala.

47Chayurá Aser ayllucunaca picha ćhunca quimsayu walanga tawa paćhac (53,400) nunacunamari sinsaśha capäcula.

48Neftali ayllućhüñatacmi: Jahzeel, Guni,

49Jezer, Silem, lluy milaynincunawan-cama capäcula.

50Chayurá Neftali ayllucunaca tawa ćhunca pichayu walanga tawa paćhac (45,400) nunacunamari sinsaśha capäcula.

51Israelpa lluy milaynincunam süta paćhac jucniyu walanga anćhish paćhac quimsa ćhunca (601,730) nunacuna sinsaśha capäcula.

Israel caśhtacunätam ayllunpi-cama allpacta tücachinanpä nin

52Chaypïtam Moisesta Tayta Dios nin:

53“Cay allpacta ayllunpi-cama sinsaśhayquiman tincütam tücachinqui.

54Achca ayllucunätam mas jatunta tücachinqui. Ashllay ayllucunätañatacmi tacshallacta tücachinqui. Lluy ayllucta tücachinqui sinsaśhayquiman tincütamari.

55Taytanpi-cama ayllu sinsaśhayquicunätam allpacta camayninta-cama chüsaywan tücachinqui.

56Chaynu achca caśhanman ütac ashlla caśhanman tincütam chüsaywan tücäninta aypuycunqui”Num 34.13; Jos 14.1-2. nil.

Levi ayllucunätam sinsan

57Levi ayllucunäćhüñatacmi: Gerson, Coat, Merari, lluy milaynincunawan-cama sinsäśha capäcula.

58Levi ayllućhütacmari: Libni, Hebron, Mahlita, Musita, Corepa lluy milaynincunawanpis capäcula.

Coatpa chulinmi Amram cala.

59Amrampa walminñatacmi Jocabed cala. Paymi Levipa chulin Egiptoćhu näsïca cala. Payćhümi chulin: Aaron, Moises, Maria capäcula.

60Aaronpa chulincunañatacmi: Nadab, Abiu, Eleazar, Itamarpis cala.Num 3.2.

61Ñatac chulin Nadabwan Abiumi wañülälila Tayta Dios nishanmannu cañaywan mana uycälishanpä.Lev 10.1-2; Num 3.4.

62Chayurá quillayüpi janaman Levi ayllucunaca ishcay ćhunca quimsayu walanga (23,000) nunacunam sinsaśha capäcula. Ñatac paycunacta ima allpallapis mana tücaptinmi juc Israel-masincunawan cuscachu nï sinsaśha capäcula.

63Moiseswan sasirdüti Eleazar sinsaptin Israel caśhtacunaca Moab pampaćhümi capäcula. Chay cayäla Jericopa chimpan Jordan mayup juc lädunćhümi.

64Cay sinsaśhancunäćhu manañam capäculachu Moiseswan sasirdüti Aaron Sinai chunyäcäćhu sinsaśhancunaca.

65Quiquin Tayta Diosninchicmari chunyäcäćhu paycuna wañupäcunanpä,Num 14.26-35. ñatac Jefonep chulin Caleb, Nunpa chulin Josuellaña cawsapäcunanpä nila.