2Chuya carpa caśhayquićhu
munayniquitawan sumä cayniquitamá licaycú.
3Cawsaycäpïtapis cuyacuyniqui mas ćhaniyu captinmá
shimïpis amllacta alawaycunꞌa.
4Cawsaśhäcama alawaycuśhayquimari.
Śhutiquićhümá maquilläta altuman pallalcul ayaculläśhayqui.
5Sumä mishqui cumbiducta micücänümá almallá maćhaycunꞌa.
Sumä cushishamá shimïpis alawaycuśhunqui:
6Puñunäćhüpis ampïtam yalpälú.
Tutay walächi amllactamá yalpalayá.
7Amllamari yanapaycamäní canqui.
Laplayquip lulïninćhümari sumä cushisha cayällá.
8Lluy cawsaynïwanmá amllaman chalapacú.
Maquillayquiwantacmá tacyaycachillämanquipis.
9Wañuchimayta munäcunaca camacaycüśhamá canꞌa.
Quiquincunamá allpap śhunꞌunman jiꞌalpapäcunꞌa.
10Ispädawan camacaycüśhamá supayapapäcunꞌa.
Atücunap jäćhïshannümá camacapäcunꞌa.
11Ñatac mandacücá Tayta Diosćhu cushicunꞌamá.
Payta śhaycaycachil limalicücunaca
taquicunawanmi alawapäcunꞌa.
Articunacta limäcunäpa shiminñatacmi ichá wićhäśha canꞌa.
Who We AreWhat We EelieveWhat We Do
2025 by iamachristian.org,Inc All rights reserved.
