1¿Mayanmá yaćhayniyücänu caycunman? ¿Mayantá imacunactapis tantiaycunman? Yaćhayniyücäpa cäran achichipyaycunmá; manchanaśh cärantapis allinmanmá muyuycachin.
Mandacücäta cäsucun2Tayta Diospa ñawpäninćhu limalicuyalꞌa mandacücäpa nishanta lulaycunayquimá.
3Lulanayquipä cäcäpi ama ayiyaychu, nïtac mana allin luläcunäwan jucllachacuyaychu. Mandacüca ima munaśhantapis lulälunmanmá.
4Mandacücäpa ima nishanpis pudirninman atinïdumá. Mayanpis manamá “¿imapämi lulayanqui?” niycunmanchu.
5Nishanta lulaycüca manamá mućhuycachishachu canꞌa. Yaćhayniyüca imay imanuypa allincäta lulaycuytapis yaćhanmá.
6Lluy ima munaśhanchiccäpäpis timpu cayanmi; imacta, imanuypa lulanapäpis timpu cayanmá. Ñatac nunaca jatun ñacayninta,
7imacuna pasananta, imay pasanantapis manamá yaćhacunchu. ¿Mayanmá chaycunacta payman willaycunman?
8Cawsayninta manamá mayanpis lantilachu; wañuycäta manamá pipis atajaycunmanchu. Gïrraćhu cayal manamá ayinmanchu; juchasapa nunäpis manamá wañuycäpi ayinmanchu.
Cay allpäćhu mana tantiapaśhmá pasaycun9Cay allpäćhu lluy imacunactapis tuquicta sumäta tantiapayculmi licayculá, nunaca juccunacta ñacachil quiquinpä mana allinninpä caśhanta.
10Chaynütacmi licalá juchasapa nunacunäta alawaycälil pampaycälishanta. Allincämannu cawsaycü allin lulaycücätañatacmi ichá malcanćhüpis nï yalpalcälinpischu; chaypis yanꞌal-yanꞌalmá.
11Mana allin lulaśhanpi juclla mana mućhuycachiptinꞌa mana allin lulaytamá nunacunaca mishquillacälälinꞌa.
12Ñatac juyu nunaca paćhac (100) cuti juchapacuyal achca wata allin cawsaynin cayaptinpis, Tayta Diosta manchacuywan cäsucücunaca mas allin caycälinantamari yaćhá.
13Mana allin luläcunaca Tayta Diosta mana manchaculcäśhanpïmá imaćhüpis mana allinlla yaluycunꞌa; llantuynüllamá cawsayninpis pasacunꞌa.
14Cay allpäćhu mana tantiayta atipanamá pasaycun; allin nunaca juyu nunacunänümá ñacaycunacta pasaycun. Mana allin nunätañatacmi ichá allin nunacunänülä allinlla cawsaycälin;Sal 73; Jer 12.1-4; Hab 1.2-4, 12-17. caypis yanꞌal-yanꞌalmá.
15Chaymari cushicuycäman yaꞌa śhalcuycú. Mas allin cay allpäćhu nunaca micucunan, upyacunan, cushicunanmari. Chayllactamá apacunꞌa Tayta Dios cawsayta uśhan muyuncunaćhu lluy lulaynincunapi.
16Yaćhaycäta ashishäćhu jinaman cay allpäćhu nunacunaca lulaśhanta licaycuśhäćhu tutanpapis, muyunpapis manamá imchiyculächu.
17Chaynüpam tantiaycú cay allpäćhu Tayta Dios lluy lulaycuśhancunacta nunaca tantiayta mana atipäśhanta. Masqui sumä-sumä imanaculpis manamá talinchu; masqui sumä yaćhayniyüca “lisiyämi” niyalpis manamá taliyta atipanchu.
Who We AreWhat We EelieveWhat We Do
2025 by iamachristian.org,Inc All rights reserved.
