1-2Mandacü Nabucodonosormi Babiloniaman prïsu puśhachila mandacü Jeconiasta, mamanta, palasyućhu cä puydïnincunacta, Judapa Jerusalenpa mandänincunacta, imaymana labrayta yaćhäcunäta, jïrru tacäcunätapis. Chaynu puśhacuptinmi unaycascapïta willacü Jeremias Jerusalenpïta cartacula cawsayniyu quïdä yaśhacunäman, sasirdüticunäman, willacücunäman, mandacü Nabucodonosor puśhaśhan lluy nunacunämanpis.2Rey 24.12-16; 2Cro 36.10.
3Chay cartactam apachila Safanpa chulin Elasawan, chaynütac Hilciaspa chulin Gemariaswan. Paycunactam Juda lädup mandacünin Sedequias Babiloniap mandacünin Nabucodonosorman apachila. Chay cartaćhümi niña:
4“Israelpa sumä munayniyu Tayta Diosninmi Jerusalenpi Babiloniaman lluy prïsu puśhachishancunäta caynu nin:
5‘Wasiquicunacta lulacalcälil chayćhu yaćhapäcuy. Wirtacunäćhu talpupäcul wayuyninpi micapäcuy.
6Casaraculcal walaśh wamla chuliyü-cama capäcuy. Chuliquicunacta casarachipäcuy willcayquicuna cananpä. Chaynu milapäcuy mana chincapäcunayquipä.
7Chay puśhachishá malcap allinninta ashiycäliy. Paycunapä Tayta Diosta mañaculcay. Chay malca allin jawca caycuptinꞌa amcunapis allin jawcamá caycälinqui.
8Israelpa sumä munayniyu yaꞌa Tayta Diosniquim ní: Amcunaćhu cä willacüpa pasachicücunäwan, licacücunäwan ama ingañachicuyalcaychu. Amatac suyñuynincunactapis cäsuyalcaychu.
9Paycuna yaꞌapa śhutïćhu willacuśhancunaca yanꞌal articunamá. Yaꞌa manam caćhamulächu. Yaꞌa Tayta Diosmari niyá’ ” nil.
10JinamanTayta Diosmi nin: “Babiloniaćhu anćhish ćhunca (70) wataca camacäluptinlämi2Cro 36.21; Jer 25.11; Dan 9.2; Zac 1.12. amcunaman śhamuśhä. Chaylämi cayman cutichimunäpä limalicuśhäta lulaycuśhä.
11Yaꞌa tuquictam yaćhayá ima lulay munaśhäcunapis allinniquipä caśhanta; manamá mana allinniquipächu canꞌa. Caycunacta lulaycuśhä śhamü timpucunäćhu chalapacüśha allin cawsayćhu capäcunayquipämari. Yaꞌa Tayta Diosmi niyá.
12Chayćhu amcuna ayacalcämanqui mañacalcämanquim. Yaꞌañatacmi uyaliycälishayqui.
13Amcuna llapan śhunꞌuyquiwan ashipämalꞌa talipämanquimá.Deut 4.29.
14Yaꞌa Tayta Diosmi ní: Amcuna talipämaptiquiꞌa may nasyunpïpis, mayman puśhachisha capäcuśhayquipïpis cutichimuśhayquimá. Maypïmi aluśha calanqui, chaymanmi cutichipämuśhayqui. Yaꞌa Tayta Diosmi niyá” nil.
15Amcunamari nipäcunqui: “Tayta Diosmi Babiloniaćhu willacücunacta uycamälanchic” nil.
16Chaynu niyaptiquipis chay willacücunaca artictamá willapayalcäśhunqui. Paycuna niyalcan mandacü Davidpa pudirnin dispächunćhu cäcäpi, cay malcaćhu lluy quïdäcunäpi, prïsu mana puśhaśha capäcunanpämari.
17Sumä munayniyu Tayta Diosmari niyan: “Paycunamanmi gïrracta, micuy wanayta, imaymana ishyayta caćhamuśhä. Micunapä mana allin ismüśha ïgustanümari paycunacta muyüchishä.
18Paycunacta gïrrawan, micuy wanaywan, ishyaywanmi camacaycüśhä. Jinantin allpäćhu mandacücunaca asipäculcänanpä, jinaman mana allinpä licaśha cananpämá caćhaycüśhä. Puśhachishá nasyuncunäćhümá ñacachisha, ćhïnisha, palaśha capäcunꞌa.
19Chaynu capäcunꞌa sirbïní willacünïcunawan yapalcul-yapalcul willacachimuśhäcunacta mana uyaliculcäśhanpïmari. Am prïsu puśhaśha cäcunäpis manatacmá uyalicalcämälanquichu. Yaꞌa Tayta Diosmari niyá.
20Chay Jerusalenpïta Babiloniaman prïsu puśhachishäcuna, yaꞌa Tayta Dios nishäta uyalipämay.
21Israelpa sumä munayniyu yaꞌa Tayta Diosninmi Colaiaspa chulin Acabpïta, Maasiaspa chulin Sedequiaspïta ní: Paycuna yaꞌapa śhutïćhülämi articunacta willaculcäla. Chaynu caśhanpïmá Babiloniap mandacünin Nabucodonosorpa maquinman ćhulaycüśhä. Jinaptïmi pay ñawquiquićhu wañüchinꞌa.
22Paypa jananćha Juda lädupi Babiloniaman puśhaśha cäcunaca mana allin cananpä nipäcunꞌa: ‘Maynümi Sedequiastawan Acabta Babiloniap mandacünin cañaycüla, chaynümari Tayta Dios amcunactapis lulälälishunqui’ nil.
23Cay ishcayninmi Israelćhu pasaypi millachicuyta lulälälila: Malca-masinpa walmincunawanmi mansibaculcäla; jinaman yaꞌapa śhutïćhümi articunacta willaculcäla; yaꞌa mana nishäcunactamá limapäcula. Chaynu lulapäcuśhanta quiquí licalmari niyá. Yaꞌa Tayta Diosmari niyá” nil.
Semaiaspa willacuśhan24Chaynütacmi Nehelam lädu Semaiasta ninqui:
25“Israelpa sumä munayniyu Tayta Diosninmi nin: Anmi munaśhayquimannu cartacta apachilanqui Jerusalenćhu lluy cäcunäman, Maasiaspa chulin sasirdüti Sofoniasman, jinaman lluy sasirdüticunämanpis:
26‘Tayta Diosmi ćhulaśhulanqui Joiadapa pudirnin Tayta Diospa alawana wasinta licaycunayquipä. Chaymi mayanpis lücu willacüpa pasachicücunäta prïsucta wićhaycul, cepo nishan chalachicuwan ćhaquipi chalachinayqui cayan.
27Chaynu cayaptin ¿imapïmá Anat lädu willacütucü Jeremiasta mana anyälanquichu?
28Paymi Babiloniaćhu cäcunäman cartacamuña: “Chay prïsu puśhaśhuśhayquićhu achca watacunam capäcunqui. Chayurá wasicunacta lulapäcul chayćhu yaćhapäcuy. Ćhaclacunaćhüpis talpupäcul wayuynincunacta micapäcuy” ’ ” nil.
29Chay cartactam sasirdüti Sofonias lïgila willacü Jeremiaspa ñawpäninćhu.
30Chayćhümi Jeremiasta Tayta Dios nin:
31“Lluy prïsu puśhaśha cäcunäman yaꞌa Tayta Dios nishäta niycamuy: Nehelam lädu Semaias nuna, mana caćhayämuptí śhutïćhu willacuśhanwanmi yanꞌalcunaman chalapacachipäcuśhulanqui.
32Chaymi Tayta Dios nin: ‘Lluy nunacunäta cuntrá śhalcachishanpïtamá Nehelam lädu Semaiasta, lluy milaynincunactapis mućhuycachishä. Chaymi cay malcaćhu jucllay umri milayllanpis nï canꞌañachu. Yaꞌa Tayta Dios paycunawan allin lulaycuśhäcäta licaycunanpäpis manamá jucllayllapis cawsaycunꞌachu. Yaꞌa Tayta Diosmari niyá’ ” nil.
Who We AreWhat We EelieveWhat We Do
2025 by iamachristian.org,Inc All rights reserved.
