Deuteronomio 27 - Old Testament Quechua Wanca（QVW）

Camachicuyca uycuna patacćhu lumiman isquirbisha cananpämi nin

1Moiseswan Israel caśhtacunap yaśhancunam malcäta nin: “Canan camachishäcäta cäsuculcay.

2Tayta Diosniqui uycuśhuśhayqui allpaman yaycunayquipä Jordan mayucta chimpälälil jatućhä-cama lumictam śhaycachinqui. Chaytam iscuwan pasälunqui.

3Jinalculmi cay camachicuycunacta chayman isquirbïlunqui. Caynu lulapäcunqui chimpalcul awquilluyquicunaman Tayta Diosniqui limalicuśhan imaypis tuqui-tuquicta wayuycachï allpaman yaycälälilñamari.

4Jordan mayucta chimpälulñam chay nishá lumicunäta Ebal ulꞌüman ćhulanqui. Jinalculmi iscuwan pasälunqui.

5Chay ulꞌućhümi Tayta Diosniquita alawayniquiwan uycuna patacta lumiwan pilanqui; jïrruwan mana labraśham lumica canꞌa.

6Chaynu mana labräśha lumiwan uycuna patacta pilayculmi

9Chaypïtam Moiseswan Levi ayllu sasirdüticunaca jinantin Israel caśhtacunäta nin: “Israel caśhtacuna upälla, canan sumäta uyalipämay. Cananpïtá Tayta Diosniquip malcanmanñam licalïlälinqui.

10Chayurá canan Tayta Diosniquita uyaliculmi camachishancunacta, yaćhachishancunacta cäsuculcanqui” nil.

Mana allinpä licaśha cananpïtam nin

11Chay muyunllatacmi jinantin malcäta Moises nin:

12“Jordan mayucta chimpäläliptiquiꞌa Gerizim ulꞌumanmi ishpipäcunꞌa: Simeon, Levi, Juda, Isacar, Jose, Benjamin ayllucunäpis. Chaypïmi cäsuculcaptin allin capäcunanpä niycamunꞌa.Deut 11.29; Jos 8.33-35.

13Ebal ulꞌumanñatacmi ishpipäcunꞌa: Ruben, Gad, Aser, Zabulon, Dan, Neftali ayllucunaca. Chaypïmi mana cäsuculcaptin sumä mana allin capäcunanpä niycamunꞌa.

14Chaypïtam levitacunaca jinantin malcäta apalcaćhaypa nimunꞌa:

15‘Mayanpis cullupïta ütac jïrrupïta taytachacta lulaycul pacallap alawäcá, mana allinpä licaśha cachun;Exo 20.4; 34.17; Lev 19.4; 26.1; Deut 4.15-18; 5.8. chaytá Tayta Dios millachicunmari’ nil. Niptinmi malcaca: ‘Chaynu cachun’ nipäcunꞌa.

16“Mayanpis taytanta ütac mamanta jalutacücá mana allinpä licaśha cachun.Exo 20.12; Deut 5.16. Niptinmi malcaca: ‘Chaynu cachun’ nipäcunꞌa.

17“Mayanpis nuna-masinpa culindanta pasaycücá mana allinpä licaśha cachun.Deut 19.14; Job 24.2; Prov 22.28; Ose 5.10. Niptinmi malcaca: ‘Chaynu cachun’ nipäcunꞌa.

18“Mayanpis apla nunacta pulishan caminupïta pantachïcá mana allinpä licaśham canꞌa.Lev 19.14. Niptinmi malcaca: ‘Chaynu cachun’ nipäcunꞌa.

19“Mayanpis malcanćhu yaćhä juc caśhtacta, ütac japanyäśhacta, ütac mana taytayu mamayücäta jalutacücá mana allinpä licaśham canꞌa.Exo 22.21; 23.9; Lev 19.33-34; Deut 24.17-18. Niptinmi malcaca: ‘Chaynu cachun’ nipäcunꞌa.

20“Mayanpis papäninpa walminwan puñücá papäninta jalutacüśhanpam mana allinpä licaśha canꞌa.Lev 18.8; 20.11; Deut 22.30. Niptinmi malcaca: ‘Chaynu cachun’ nipäcunꞌa.

21“Mayanpis uywawan puñücá mana allinpä licaśham canꞌa.Exo 22.19; Lev 18.23; 20.15. Niptinmi malcaca: ‘Chaynu cachun’ nipäcunꞌa.

22“Mayanpis taytallapïta ütac mamallapïta cä paninwan puñücá mana allinpä licaśham canꞌa.Lev 18.9; 20.17. Niptinmi malcaca: ‘Chaynu cachun’ nipäcunꞌa.

23“Mayanpis suyranwan puñücá mana allinpä licaśham canꞌa.Lev 18.17; 20.14. Niptinmi malcaca: ‘Chaynu cachun’ nipäcunꞌa.

24“Mayanpis nuna-masinta unꞌaypi pacallap wañuchïcá mana allinpä licaśham canꞌa.Exo 20.13; 21.12-14. Niptinmi malcaca: ‘Chaynu cachun’ nipäcunꞌa.

25“Mayanpis mana juchayu nunacta wañuchinanpä pägucta ćhasquïcá mana allinpä licaśham canꞌa. Niptinmi malcaca: ‘Chaynu cachun’ nipäcunꞌa.

26“Mayanpis cay camachicuycunacta mana cäsucücá, lulayman mana ćhulaycücá cäraycuśham canꞌa.Jer 11.3; Gal 3.10. Niptinmi malcaca: ‘Chaynu cachun’ nipäcunꞌa.