1Tayta Diosllay, amllamá awilücunap milaynincuna-milaynincuna pasäcunätapis,
yaꞌacunactapis pacaycamäní caycunqui.
2Ulꞌucunäpis manalä captin, cay allpäpis,
janay pachäpis manalä lulaśha cayaptin, am Tayta Dios calanquiñamá.
Am Tayta Diosllämá imaypis Tayta Dios cayculanqui.
3Nunacunäta: “Allpaman cutiy” niptiqui,
nunacunaca allpamanmi lluy muyupäcun.
4Walanga watapis ampá anyan muyun pasäcänüllamá.
Tutap täpaśhanćhu ishcay-quimsa üra pasacücänüllamá.
5Llüllanümi nunacunäta juclla camacälunqui.
Cawsaynïcuna cayan puñuycuynüllamá,
wälanpa wiñamü ulänüllamá.
6Wälanpa wiñalcamulmi tuqui-tuqui waytacuyan.
Tardiscañatacmi ichá awïlul chaquïlun.
7Rasunpa, piñacuyniquiwan camacaycüśham cayalcá.
Rabyacuyniquiwan muspaynïćhünümá licalichipämanqui.
8Mana allin lulaynïcunacta puntayquimanmá ćhulaycunqui.
Pacallap juchacuśhäcunactapis ñawpäniquićhümá licaycunqui.
9Piñacuyniquiwanmá cawsaynïcuna camacalpuyan.
Juclla jämalcuycänümá watäcuna chincacalpuyan.
10Cawsaynïcuna anćhish ćhunca (70) watacamallamá.
Allinnincunalämi pusä ćhunca (80) watacama cawsaycälin.
Ñatac imanuy cacuptinpis cawsayca
ñacayllactawan sasachacuyllactañamá apamun.
Watäcuna juclla camacäluptin päliculcämá.
11¿Mayantá sumä-sumä piñacuyniqui caśhanta tantiaycunman?
Chay rabyacuyniquipi sumä manchacuywanmá caycäliná.
12Cay watäcuna sumä ćhaniyu caśhanta yaćhaycälichillämay.
Chayćha tantiaywan yaćhaywan caycälilläśhä.
13 Tayta Diosnillay, yaꞌacunaman cutimullayñari.
¿Imaycamañamá unꞌälälimanqui?
Cay nunallayquicunacta llaquipaycälillämayñari.
14Achicyäluptin-pacha llaquipayniquiwan juntaycälillämay.
Chayćha cawsapäcuśhäcama cushicuywan taquipäcuśhä.
15Achca watañamá ñacachipämälanqui.
Achca watañamá mana allinta cawsachipämälanqui.
Cananꞌa chaynu achca watatac cushiycälichillämayña.
16Nunayquicunaman sumä allin cayniquita licaycachiyñari.
Milaynincunaman lulayniquita camalaycachiyñari.
17Quiquin Tayta Diosninchicpa
llaquipayninꞌari yaꞌanchicćhu caycuchun.
Yaꞌacunap lulaynïcunacta tacyaycachillay.
Awari, lulaynïcunacta tacyaycachillayñari.
Who We AreWhat We EelieveWhat We Do
2025 by iamachristian.org,Inc All rights reserved.
