Jeremias 7 - Old Testament Quechua Wanca（QVW）

Cawsayninta allinman muyuchinanpämi nin

1Yaꞌa Jeremiastam Tayta Dios caynu nimäla:

2“Alawana wasip puncunćhu śhaycuycul cay willacuyta willacamuy: ‘Jinantin Juda lädućhu cäcuna, alawapäcunayquipä cay puncunpa lluy yaycücuna, Tayta Dios nishanta uyalipäcuy.

3Israelpa sumä munayniyu Tayta Diosninmari niyan: Cawsayniquita, lulayniquita allichaculcaptiquiꞌa cay allpäćhu cawsachipäcuśhayquim.

4Ama chalapaculcaychu: “Cayćhümi Tayta Diospa alawana wasin cayan. Caymi alawana wasin; caymari Tayta Diospa alawana wasin” nil artish limaycunämanꞌa.

5“ ‘Ñatac allin cawsaycälinayquipä chay cawsayniquicunacta, lulayniquicunacta allinman muyuycälichiy. Nuna-masiquitapis tincüninman licaycäliy.

6Chaynütac mana Israel läducunäta, mana mamayu taytayu cäcunäta, japanyäśha walmicunäta amaña ñacachipäcuychu. Jinaman cay sityućhu allin nunacunäta amaña wañuchipäcuyñachu. Chaynütac quiquiquip mana allinniquipä taytachacunacta amaña alawayalcayñachu

7Chayurá chaynu cawsaycäliptiquiꞌa awquilluyquicunaman uycuśhá cay allpaćhümari amcunactapis wiña-wiñaypä cawsaycälichishayqui.

8“ ‘Amcuna chalapacuyalcanqui artish limaycunaman, rasun mana cäcunämanmari.

9Amcuna suwacuyalcal, wañuyalcächil, mansibacuyalcal, ingañanayquipä limalicuyalcal, Baalman insinsiucta cañaycuyalcal, mana lisishayqui taytachacunacta alawayalcalchun,

10¿śhayalcämunquimanlä yaćhanäpä cä wasïman canpis “cayćhuꞌa libriñam cayanchic” nil? Jinalcul chay imaymana millachicuy lulaycunacta jinalla lulapäcunayquipä libriñam cayanchic ¿niyalcanquilächun imatá?

11Cay yaćhaná wasïta ¿suwacunap maćhayninpächun licayalcanquiman imamá? ‘Sïlüpa Maman’

24“Ñatac paycuná manamari uyalipämälachu nï cäsupämälachu. Aśhwanpa mana allin lumi śhunꞌunpa munaynintamá lulaculcäla. Chaynüpamari yaꞌapïta japächaculcul ipanchapämäla.

25Chaynu capäcula awquilluncuna Egiptopi yalapämuśhanpïta aśhta canancamamá. Allaycuycäpïmari mana unꞌallal sirbïní willacünïcunacta paycunaman yaꞌa caćhalá.

26Paycunañatacmi ichá mana uyalicalcämälachu nï cäsucalcämälachu. Aśhwanpam śhunꞌunta lumiyalcachil awquilluncunapïpis mas piyurlä capäcula.

27“Am Jeremiasꞌa caycunacta lluymi niycunqui masqui mana uyalïtuculcäśhunayqui captinpis. Ayaycaćhaypam nimunqui mana cäsuculcänan captinpis.

28Chayćhümi ninqui: ‘Cay malcam Tayta Diosnin limapäśhanta mana uyaliculcälachu; allinninpä lawćhaycuśhanta manamá awnipäculachu. Rasunca amcunaćhu chincacunñamari. Limayniquicunaćhüpis rasunca manañamá canñachu.

29Llaquicuypi ächayquita siplay-siplayta lutuculcay. Chunyä ulꞌucunäćhu llaqui-llaquicta waꞌapäcuy. Tayta Dios sumä piñäśha cayalñamari ipanchaycul caćhaycälälishunquiña’ ” nil.

30 Tayta Diosmi nin: “Juda lädup milaynincunamá mana allinta ñawquí lulälälin. Yaꞌallapä japächäśha cä alawana wasïman millachicuy taytachanta ćhulapäcuśhanwanmá millachicuy anlamanña muyülälichin.

31Jinaman Ben-hinom pampaćhu cä Tofet nishanćhümi uycuna patactalä śhalcächinpis2Rey 23.10; Jer 32.35. walaśh wamla chulincunacta cañapäcunanpä.Lev 18.21; Jer 19.5. Chaycunacta lulananpä yaꞌa manamá imaypis niycümanchu cala; nïtac pinsayllapis pinsalcümanchu cala.Lev 18.21; Isa 57.5; Jer 19.5.

32Chaymi yaꞌa Tayta Dios ní: Juc muyun manañamá ‘Tofet’ nishañachu canꞌa, nï ‘Ben-hinom pampa’ nishañachu canꞌa, sinuꞌa ‘Wañuchinacuśhan pampa’ nishañamari canꞌa.Jer 19.6. Wañücunäta pampananpä manaña captinmari Tofetmanña pampaśha capäcunꞌa.

33Chay malcaćhu wañücunäta aycha micü wisculcunawan munti uywacunallañamá micapäcunꞌa. Manañamari mayan manchachïpis canꞌañachu.

34Juda lädućhu, Jerusalen malcap cällincunaćhu cushicuypi apalcaćhaycunacta, asicuycunacta, casaracuy fistacunacta yaꞌamari chincächishä.Jer 16.9; 25.10; Apo 18.23. Jinantin malcamá pasaypi pampaman muyüchisha canꞌa” nil.