1Callpanchamäninchic Tayta Diosta cushicuywan alawapäcuy.
Jacobpa Tayta Diosninta cushicuywan jatunchapäcuy.
2Pandirïtacunawan, tuqui-tuqui waꞌä arpacunawan,
uchuchä cuirdayu tucanacunawanpis taquipäcuy.
3Llullu quillaćhu curnitillacta tucapäcuy.
Puꞌuśha quilla fistanchicćhüpis tucapäcuy.
4Israelcunaca chaynu lulananpämari
Jacobpa Tayta Diosnin camachila.
5Cay camachicuytamá Egiptopi
yalapämuptin Joseman uycula.
Mana uyalishá shimictam uyalïlú caynu niyämäta:
6“Waśhayquipïmi ipiquita juluycú.
Llasä lulayniquicunapïtam jacyalpachic.
7Llaquicuyniquićhu ayacamaptiqui librayculacmá.
Räyu caśhancäpïtamá limapaycamulac.
Meriba nishan yacup ñawpäninćhümá
imanuy caśhayquitapis yaćhapänacpä licaycälilac.
8“Aclacuśhá malcallay, cay anyapäśhacta sumäta uyaliycamay.
Israel, uyaliycamalꞌa maynu allinćha canquiman.
9Amcunaćhu juc dioscuna ama cachunchu.
Yanꞌal taytachacunacta amari alawapäcuychu.
10Egiptopi juluśhüniqui Tayta Diosmi yaꞌa cayá.
Shimiquita quićhaycäliyꞌari maćhaycälinayquicama micaycälichinacpä.
11“Ñatac malcá shimïta manamá uyaliculcälachu.
Israel manamá cäsupämälachu.
12Chaymi lumi śhunꞌun munaśhanćhu capäcunanpä caćhaycülá,
wañupaculcäśhanmannu cawsaculcänanpä.
13Sïchuśh malcá uyaliycamanman cala,
nishämannümi Israel cawsaycälinman cala.
14Chaynütac ćhïnicünincunacta
ñawi imchiycuyllaćhüćha uyshulächïman cala,
cuntracünincunacta lawćhaycachïmanćha cala.
15 Tayta Diosta ćhïnicücunaca, manchacuypïmá
uyshuycälinman cala.
Wiña-wiñaypä lawćhaycuśhamá capäcunman cala.
16Ñatac am malcätañatacmi ichá allinnin trïguctalä uycuśhayqui.
Yacunayniquitapis wancaćhu cä mishquicunawanlämi
pasaycachishayqui” nil.
Who We AreWhat We EelieveWhat We Do
2025 by iamachristian.org,Inc All rights reserved.
