1Mana allin nunacunäpa janan ama piñacuychu.
Juyu lulaśhancunäta amari munapaychu.
2Paycuna pastucunänümari juclla awïlälinꞌa.
Birdi ulacunänümari juclla chaquilälinꞌa.
Bet3Aśhwanpa Tayta Diosllaman
chalapacul allincäta lulaycuy.
Allincällaćhu tacyaśhtin cay allpäćhu uwishnu lancalaycuy.
4 Tayta Diosllaćhu sumä-sumä cushicuy.
Chaymá śhunꞌuyqui munaśhancunäta pay uycuśhunqui.Guimel
5 Tayta Diospa maquinman cawsayniquita ćhulaycuy.
Payman chalapacuptiquimá caynu lulaycunꞌa:
6Acchictanümá allin cayniquita camalaycachinꞌa.
Ćhawpi muyun inti acchishantanümá
allin lulayniquitapis camalaycachinꞌa.
Dalet7 Tayta Dios lulaycunanta upälla alcaycuy.
Allin cäniyüman muyücunäpi ama piñacuychu;
mana allin lulayllacta munäcunäpïpis ama ucupacuychu.
He8Piñacuycäta caćhaycuy, rabyacuycäta chapiy.
Chay piñacuycunämá mana allincäman ćhächin.
9Chay mana allin nunacunaca camacaycüśhamari capäcunꞌa.
Tayta Diosta alcäcunäñatacmi ichá
limalicuśhan malcaćhu yaćhaycälinꞌa.Vav
10Mana allin nunacunaca manapis unaytamá chincälälinꞌa.
Maynu ashilpis manañamá talipäcunquiñachu.
11Mana nunatucücunämi ichá limalicuśhan allpacta ćhasquiycälinꞌa.
Chayćhümi jawcalla sumä cawsaycälinꞌa.zayin
12Mana allin nunacunäpa umanćhu muyuyan
allin nunacunäpa cuntran śhalcuyllañamá.
Ñawinwanpis ñaćhañamá micülunpis.
13Chay nunacunäpïta Tayta Diosñatacmi ichá asicun.
Muyunnin sircamuśhanta pay yaćhayanmá.
Jet14Mana allin nunacuna ispädanta jululculmi
flïchancunacta alistapäcun wacchacunätawan
pishipacüśha cäcunäta camacaycünanpä;
allincäćhu cawsäcunäta wañüchinanpä.
15Ñatac chay quiquin ispädallanmi śhunꞌunpa pasälunꞌa.
Flïcha ćhächicunpis lluymi amshüśha canꞌa.
Tet16Mana allin nunäpa achca cänincunapïtá,
allin nunacunäpa aśhllay cällanmá mas allin.
17Chay mana allincunäpa callpantañatacmi ichá
Tayta Dios camacaycülunꞌa.
Allincunätañatacmi ichá tacyaycachinꞌa.
Yod18Allincämannu cawsäcunätamá
Tayta Dios ñawillanćhu caycachin;
paycunap tücänincuna wiña-wiñaypämá caycunꞌa.
19Sumä ñacay muyuncunäćhu manamá
pinꞌayćhüchu capäcunꞌa.
Micuy wanay muyuncunäćhu maćhaycüśhamá capäcunꞌa.
Caf20Mana allin nunacunäñatacmi ichá camacäśha capäcunꞌa;
Tayta Diosta ćhïnicücunämi ichá
uwishcunap wilannu chullülälinꞌa; untaycänümi chincälälinꞌa. Lamed
21Mana allin nunaca mañacul manañamá cutiycachinchu.
Allin nunäñatacmi ichá llaquipayniyu cayal uycun.
22Tayta Dios allinpä licaycuśhancunämi limalicuśhan
allpaćhu yaćhaycälinꞌa.
Mana allinpä licaśhancäñatacmi ichá camacaycüśha capäcunꞌa.
Mem23Nunäpa cawsayninta Tayta Diosmi puśhaycun.
Pay munaśhanmannu captinꞌa cushisham
Tayta Dios tacyaycachinlä canpis.
24 Tayta Diospa maquillanćhu
cayaptinmá cućhpalpis mana cućhpaläcunꞌachu.
Nun25Müsu caśhäpi canan awquishña canäcamapis
manamá licalächu allin nuna unꞌäśha caśhanta;
nï chulincuna micuy mañapacuyätapis licalächu.
26Llaquipayniyu calmi mañacünincunacta imaypis mañaycapäcun.
Milaynincuna allinpä licaycuśhamá caycälin.
Samej27Mana allincäpi aśhuculcul allincäta
lulayculmi wiña-wiñaypä cawsaycunqui.
28 Tayta Diosꞌa allincällactamá cuyan.
Chalapacünincunacta pay manamá caćhaycunchu,
wiña-wiñaypämi ñawillanćhu caycachin.
Mana allin nunacunäpa milaynincunañatacmi ichá camacaycüśha canꞌa.
Ayin29Allin nunacunämá limalicuśhan malcaćhu capäcunꞌa.
Chayćhümá wiña-wiñaypä yaćhapäcunꞌa.
Pe30Allin nunaca yaćhaywanmi liman.
Tincüllanman cäcäwan allincällam shiminpi yalaycamun.
31Tayta Diosninpa yaćhachicuyninta śhunꞌunćhümá uywayan.
Chaymi ćhaquin imaypis nï lluchcaycunꞌachu.
Tsade32Allin nunacunäta wañuchinanpämá
mana allin nunacunaca licapapäcun.
33Chaycunap maquinman palpunanta
Tayta Dios manamá munaycunꞌachu.
Cäraycuyćhu yanꞌalpi juchachänantapis
manamá munaycunꞌachu.
Qof34Amñatac Tayta Diosllaman
chalapacul munaśhanmannu cawsaycuy.
Paymi altuman juluycul malcanta tücäniquipä uycuśhunqui.
Mana allin nunacunaca camacaycüśha
caśhanta ñawiquiwanmá licaycunqui.
Resh35Sumä jatućhä-cama lapisapa jaćhacunänu
sumätucüśha caśhantam mana allin juyu nunäta licalá.
36Paycuna pasacülla chincacüllamá.
Ashilpis manañamá talilächu.
Shin37Allin nunäta, allincämannu cawsaycücäta licaycuyꞌari.
Payta allin jawca cawsaymá alcayan.
38Mana cäsucücämi juchasapacunämi ichá lluy camacaycüśha capäcunꞌa.
Śhamü timpućhu allin cawsaycäpis paytá manamá alcaycunchu.
Tav39Allin nunacunäpa salbaycünin
Tayta Diosllamá.
Sasachacuy timpucunaćhu paymá pacaycünin.
40 Tayta Diosmi yanapaycun libraycun;
payman chalapacuptinmari mana allin
nunacunäpi juluycul salbaycun.
Who We AreWhat We EelieveWhat We Do
2025 by iamachristian.org,Inc All rights reserved.
