Sofonias 1 - Old Testament Quechua Wanca（QVW）

1Amonpa chulin Josias, Juda läducta mandacuyaptinmi Tayta Dios willacuyninta willacunanpä Sofoniasta nila.Tayta Diospa piñacuy muyunninćhu imanuy canantam nin

2 Tayta Diosmi nin:

“Cay jinantin pachäćhu cäcunätam

lluy camacaycüśhä.

3Nunacunäta, uywacunäta,

pälïcunäta, yacućhu imaymana challwacunäta,

mana allin nunacunätapis camacaycüśhämari.

Awari, lluy nunacunätamá

cay pachäpïta chincächishä.

4“Juda lädućhu, Jerusalen malcaćhu

lluy cawsäcunämanmari maquïta ćhulaycuśhä.

Taytacha Baalta lluy sirbïnincunacta

sasirdütincunactapis manaña yalpalcuśha

cananpämá chincächishaña canꞌa.

5Wasi jananćhu unꞌulacuycul sïlüćhu cä

uyllurcunäta alawä nunacunätapis camacaycüśhämá.

Yaꞌa Tayta Diosta unꞌulätucuycul alawayämalpis

taytacha Milcompa śhutinćhu limaliculcul

alawäcunätapis chincächishämari.

6Chaynütac yaꞌa Tayta Diospi japächacücunäta,

mana ashimäcunäta, mana tapucamäcunätapis

camacaycüśhämari” nil.

7 Tayta Diospa ñawpäninćhu upälla capäcuy.

Tayta Dios mućhuycachinanpä muyunnin

janäniquićhüñamá cacuyan.

Paymari chay muyun malcanta uycuna-yupayta

camacaycünanpä alistälun.

Chaypa unanchäśha nunancuna

listuñamari cacuyalcan.

8Awari, Tayta Diosmi nin:

“Chay cäraycuná muyuncäćhümi puydïcunäta,

mandacücunäpa chulincunacta,

jinaman juc malcap custumrincunacta

atichïcunätapis mućhuycachishä.

9Chay muyuncäćhümari puncup jananpä

paćhcaycul yaycücunäta,

jinaman waycaśhanwan, ingañacuśhancunawan taytachancunap

wasinta juntachïcunätapis mućhuycachishä” nil.

10 Tayta Diosmari nin:

“Chay muyunćhu Challwa Puncu

nishanpïmá sumä ayaycaćhapämunꞌa,

aśhta ishcay cä puncupïtapis apalcaćhapämunꞌamá;

ulꞌucunäćhüpis sumä llaquicuyllamá cacunꞌa.

11Mercado lädućhu yaćhäcunäpis awćhupäcuyꞌari.

Lluy lanticücunämá camacaycüśha capäcunꞌa;

lluy lantïcunäpis chincächishamari capäcunꞌa.

12“Chay timpućhümari achquicta apticulcul

Jerusalenćhu imanuy cawsaśhanta sumä licaycuśhä.

Aswap cunchunnu jawca cä nunacunätamari mućhuycachishä.

Paycunamari śhunꞌunćhu nipäcun:

‘Tayta Diosꞌa manam mućhuycachinꞌachu;

manamari allintapis nï mana allintapis lulaycunꞌachu’ nil.

13Chaynu cayalcaptinmari ima cänincunapis waycäśha canꞌa;

wasincunapis pulumäśhamá cacunꞌa.

Wasincunacta lulapäculpis manañamá yaćhapäcunꞌañachu;

übacunacta talpulpis manañamá bïnucta upyapäcunꞌañachu” nil.

14 Tayta Diospa sumä muyunnin

cayllaćhüñamá cacuyan.

Janayquićhüñamari cacuyan.

Chay muyun sumä manchanaśh cacuptinmá,

imacta mana manchacücunäpis apalcaćhaculcanꞌa.

15Chay muyun sumä piñacuptinmá,

pasaypi llaquicuy, waꞌacuy muyunlla cacunꞌa;

camacaycüśha, pampaman muyüchisha muyunllañamari cacunꞌa;

tutapayä yana pucutay muyunllamari cacunꞌa.

16Chay muyunćhu curnitillamá tucanꞌa,

sumä murällayu altu türriyu malcacunap

cuntranmá gïrrapä ayaycaćhanꞌa.

17 Tayta Diosmi nin:

“Yaꞌap cuntrá mana allinta lulapäcuśhayquipïmá

nunacunäman llaquicuyta ćhulaycuśhä.

Jinaptïmi aplanu pulipäcunꞌa;

yawarnincunapis pampäćhümi ućhaläcunꞌa,

ayacunäpis ismaynümi jitaläcunꞌa” nil.

18 Tayta Diospa piñacuynin muyunninćhuꞌa

illayninpis ürunpis nunacunäta manamá libraycunꞌachu.

Paypa silüsu caynin walayaptinmá

jinantin pachäta camacaycülunꞌa.

Awari, jinantin allpäćhu

lluy cawsäcunätamari juclla camacaycülunꞌa.