1Caycuna yaćhachicü nunap limaynincunam;
payꞌa Davidpa chulin, Jerusalen malcacta mandacücämi.
2Yaćhachicücämi nin: Lluypis yanꞌal-yanꞌalmi;
ima-aycapis yanꞌal yanꞌalmá, lluy imapis yanꞌalmá.
3¿Nunaca ancha-anchap lulay-lulay cayalpis
cay allpäćhu imactamá julucun?
4Nunacunaca näsiyalcämunmi, wañuyalcanmi;
cay allpäñatacmi ichá jinallaćhu cayan.
5Intïpis yalamunmi, yaycunmi;
caśhancämanmari amsaylla jiꞌacalpun-jiꞌacalpun yalamunanpä.
6Waywäpis sur läduman pücayalmi nurti läduman muyucalpun;
waywaca muyulcul-muyulculmari caśhallanpa imaypis cutiycuyan-cutiycuyan.
7Lluy mayucunäpis lamarcämanmi liyalcan.
Lamarcäñatacmi ichá imaypis mana juntacälinchu.
Mayucunaca maypi śhamuśhanman cutipäculmi chaypi caśhan śhapämun.
8Achca-achcam ninanchic cayan; limay-limay cayal amïluchwanñamá.
Ñawica licayta manamá maćhaycunmanchu;
linlica uyaliyta manamá camacanmanchu.
9Ima pasaśhancäpis yapatacmi pasanꞌa;
ima lulacacuśhanpis caśhanmi lulacacunꞌa.
Cay allpäćhu ima muśhüpis manamá canchu.
10¿Mayanmá nimachwan:
“Caymi ichá muśhü cayan” nil?
Yaꞌanchic manaläpis captinchic chaycuna calañamá.
11Punta nunacunäpïta manañamá mayanpis yalpanchu;
ipa śhamücunäpis mana yalpaśhañamá capäcunꞌa.
Ipa wiñaycunäta mas ipa wiñaycunaca unꞌälälinꞌamá.
Yaćhachicücäta ima pasaśhancunapis12Yaꞌa yaćhachicücämi Israelpa mandacünin cayal Jerusalenpi mandaculá.
13Cay allpäćhu lluy-lluy ima cäcunätapis llapan śhunꞌüwanmi sumä-sumäta licayculá, yaćhayculá. Chaynu sasa-sasa lulaytamá nunacunäman Tayta Dios uycamälanchic.
14Cay cawsayninchicćhu lluy lulaśhanchic yanꞌal yanꞌalpä caśhanta, waywäta chalay munaśhanchicnu caśhantamá licayculá.
15Wicsu cäcäta manamá dirichayta atipanchicchu;
chincäśha cäcäta fintayta manamá atipanchicchu.
16Yaꞌami śhunꞌüćhu nicú: “Cananꞌa anchap altuman juluycuśhamá cacuyá; cay Jerusalenćhu punta mandacücunäpïpis mas-mas yaćhayniyülämá cacuyá. Śhunꞌüman alli-alli yaćhaycunactawan tantiaycunactam tawacülú” nil.1Rey 4.29-31.
17Yaćhaycäta tantiaycuytam llapan śhunꞌüwan ashiyculá; chaynütacmi mana allincunätapis, luclu caycunactapis lisiyculá. Ñatac lluy chaycunapis waywäta chalay munaśhanchicnümá.
18Rasunpa, masta yaćhayca uma nanaytamá apamun;
masta yaćhaśhanchicmannümi masta ñacanchicpis.
Who We AreWhat We EelieveWhat We Do
2025 by iamachristian.org,Inc All rights reserved.
