1 Tayta Diosmi nin: “Lïnupi waćhacucta lantimü lilcul waćhacacüluy. Ñatac yacuman amam puśhtachinquichu” nil.
2Chaymi Tayta Dios nimäśhannu waćhacucta lantilcamul waćhacacülú.
3Chaypïta yapañatacmi Tayta Dios niman:
4“Chay ćhulacuśhayqui waćhacucta apaculculꞌari Eufrates mayuman liy. Chayćhu wancap laꞌalanman pacaycamuy” nil.
5Nimaptinmi Eufrates mayuman lilcul Tayta Dios nimäśhannu pacaycamulá.
6Chaypi unaytañatacmi Tayta Dios niman: “Eufrates mayuman lilcul pacamuy nishá waćhacucta apamuy” nil.
7Nimaptin Eufrates mayuman lilculmi pacamuśhá waćhacucta aśhilcul julülá. Ñatac ismüśha imapäpis mana bälïñamari cayäña.
8Chayćhümi Tayta Dios niman:
9“Cay ismuśhannümá Juda lädup nunatucuynincunacta, Jerusalenpa sumä allintucuynincunacta ismüchishä.
10Cay mana allin lulä malcaca nishäta mana cäsucuyculmá lumi śhunꞌunpa munaśhallanta lulapäcun. Chay taytachacunamanña muyucalcälilmari alawapäcun, sirbipäcun. Chaymi chay ismüśha waćhacunu imapäpis mana bälïña capäcunꞌa.
11Maynümi waćhacucta wiꞌawninchicman chuꞌunchic; chaynu jinantin Israel läducunäwan Juda läducuna yaꞌaman masïsu chuꞌuśhanu canantamari munayculá. Yaꞌacta allinpä licachimänanta, lisichimänanta, altuman julaycamänantamá alcayculá. Ñatac cäsucuyta manamá munapämanchu. Yaꞌa Tayta Diosmari niyá.
Paquïsha wacuycunamanmi tincuchin12“Israel lädup yaꞌa Tayta Diosnin nishäta paycunaman niycamuy: ‘Lluy wacuycunäman bïnucta winapäcuy’ nil. Niptiquim paycuna: ‘¿Manachun yaćhapäcú lluy wacuycuna bïnu winanapä cananta imatá?’ nipäcuśhunqui.
13“Nishuptiquim ninqui: ‘Tayta Diosmi nin: Cay nasyunćhu lluy yaćhäcunätam bïnuwan sumä shincächishä. Shincächishämari mandacü Davidpa milaynin mandacücunäta, sasirdüticunäta, willacücunäta, jinaman Jerusalenćhu lluy yaćhäcunätapis.
14Wacuycunäta quiquin-pulacta tacanacachïcänümi taytacunäta chulincunawan tacanacachishä. Camacaycüśhämari; manamá pampachaycuśhächu nï cuyaculcuśhächu nï llaquipaycuśhächu. Yaꞌa Tayta Diosmari niyá’ ” nil.
Juda lädu prïsu puśhaśha cananpämi willachin15Má, ¡Israelcuna, sumäta uyalipäcuy!
Quiquin Tayta Diosmá limapayalcäśhunqui; ama nunatuculcaychu.
16Tutapäcäta manalä ćhächimuśhancama,
tutapä ulꞌucunäćhu manalä mitcaculcäśhayquicama
Tayta Diosninchicta altuman juluycapäcuy.
Chayurá amcuna alcapäcuśhayqui acchicta
Tayta Diosꞌa sumä yanawyayä tutapämanñamá muyüchinꞌa.
17Amcuna mana cäsuculcaptiquiñatacmi ichá
chay nunatucuyniquipi pacallap waꞌacuśhä.
Tayta Diospa malcanta prïsu puśhacuptinmá
llaqui-llaquicta waꞌacuśhä, wiꞌinïpis yacunu ćhalćhamunancama.
18Tayta Diosmi niman: “Mandacücätawan mamantinta niycuy:
‘Allinpä licachishüniqui umayquićhu cä curunayqui palpülunꞌañamá.
Chayurá dispächuyquipi jiꞌalpalcamul pampällaćhüña täcapäcuy.
19Neguev lädu malcacunaca
lluy-lluyñamá cunćhäśha canꞌa.
Puncunta quićhaycü manañamá mayanllapis canꞌañachu.
Juda läductañamá prïsucta puśhaculcanꞌa;
lluy nunacunamá puśhaśha capäcunꞌa.
20Ñawiquitari pallalcapäcuy;
nurti lädupi śhamücunätari licapäcuy.
¿Mayćhütá amwan michichicuśhá uwishcunaca cayan?
¿Mayćhütá alawacuśhayqui uwishcunaca cayan?’ ” nil.
21Jerusalen, ¿imanuylä canqui yaćhachishayqui nunacunäta
mandacüniquipä Tayta Dios ćhulaycuptin?
Jinaptin ¿manachun waćhacü walmip nanayninnu
amta nanaśhunqui imatá?
22Ichapis tapucunqui:
“¿Imapïmi caycuna pasayäman?” nil.
Juchayquicunapïmari
chaynu pasayalcäśhunqui.
Chaymari calapatälälishulanqui, firsälälishulanqui.
23Má, ¿Etiope lädu yana nunaca culurninta
jucman muyüchinmanchun imamá?
¿Tigrica mulu-mulu cayninta
jucman muyüchinmanchun imatá?
Amcunapis ¿mana allincällacta lulayta
yaćhäśha cayalcalꞌa allincäta lulaycälinquimanchun imatá?
24Chaymi Tayta Dios nin: “Amcunacta wicapälälishayqui
lücu waywaca paꞌaśhactanu apaculcäśhunayquipämi.
25Chaymá amcunap päguyqui;
chaymá amcunap tücäniqui.
Chaynu pasaśhunqui yaꞌacta unꞌälälimaśhayquipi,
taytachacunaman chalapacuśhayquipïtamá.
Yaꞌa Tayta Diosmari niyá.
26“Yaꞌa quiquïmi faldinniquita umayquicama alïshayqui
pinꞌayniqui lluy camalänancama.
27Ulꞌucunäćhu ćhaclacunäćhu
mansibacuśhayquita, wañupacuśhayquita,
millachicuy watica lulayniquicunacta,
pinꞌay anla lulayniquicunactapis licalämari.
¡Ash, imanuylä Jerusalen canqui!
¿Imaycamalä mana chuyanchacul cayanqui?” nil.
Who We AreWhat We EelieveWhat We Do
2025 by iamachristian.org,Inc All rights reserved.
