2 Reyes 15 - Old Testament Quechua Wanca（QVW）

Juda lädućhu Azariasmi mandacun 2Cro 26.3-5, 16-23

1Canan má, Israel lädućhu Jeroboam ishcay ćhunca anćhishniyu (27) wataña mandacuyaptinmi Juda lädućhu Amasiaspa chulin Azarias mandacuyta allaycula.

2Paymari ćhunca sütayu watanta (16) liyal mandacuyta allaycula. Picha ćhunca ishcayniyu (52) watam Jerusalenpïta mandacula. Mamanñatacmi Jerusalen lädu Jecolias cala.

3Papänin Amasias allin lulaśhannümari Tayta Diospa ñawquin Azariaspis allincäta lulaycula.

4Ñatac ulꞌucunäćhu uycunancunacta manam chincachilachu. Chaymi nunacunaca taytachancunaman jinalla uycapäcula, insinsiucunactapis cañaycapäcula.

5Chaymi mandacü Azariasta wañunancama lipra ishyaywan Tayta Dios mućhuycachila. Jinaptinmi palasyunpi japächäśhaña cawsala. Chaymi chulin Jotamña palasyunćhu caycul mandacüca cala.

6Ñatac Azariaspa mandacuyninćhu lluy lulaśhancuna Juda lädu mandacünincunap isquirbishan librunćhümi cayan.

7Azarias wañucuptinmiIsrael lädućhümi Salum mandacun

13Chay Juda lädućhu quimsa ćhunca isunniyu (39) wataña Uzias mandacuyaptinmi Israel lädućhu mandacuyta allaycula Jabespa chulin Salum. Pay juc quillallam Samariapi mandacula.

14Tirsa malcapïta Gadip chulin Manahem śhalcamulmi Samariaćhu Jabespa chulin Salumta wañüchin. Jinalculmi Salumpa pudirninña mandacula.

15Ñatac Salumpa mandacuyninćhu lluy lulaśhancuna, jinaman Zacariaspa cuntran śhalcuśhancunapis Israel lädu mandacünincunap isquirbishan librunćhümi cayan.

16Chay timpum Tirsa malcapi allaycul Tifsa malcacta, chaynütac muyülïninćhu malcacunätapis camacaycul imancunactapis Manahem lluy apaculcäla. Patayu walmicunätapis patancunactapis quićhälamá. Chaynu camacaycüla malcap puncunta mana quićhapäcuśhanpïmari.Israel lädućhümi Manahem mandacun

17Chay Juda lädućhu quimsa ćhunca isunniyu (39) wata Azarias mandacuyaptinmi Israel lädućhu mandacuyta allaycula Gadip chulin Manahem. Paymi Samariapi ćhunca wata mandacula.

18Ñatac Tayta Diospa ñawquin paypis mana allintam lulala. Nabatpa chulin Jeroboam Israel läducunäta mana allin lulachishannümari imaypis pay jinalla lulaycula.

19Asiriap mandacünin Pulmi Israel läducta camacaycü śhacayämula. Chaymi mandacü Manahem uycula quimsa ćhunca quimsayu walanga (33,000) illayta, mandacuyninćhu jinalla caycunanpä.

20Caychica illaycunäta Manahem juntuchila sumä cäniyu Israel läducunäpïmi. Paycunam alcabälanta pägapäcula ćhawpi quïlu illayta Asiria mandacüninman uycunanpä. Chayta uycuptinmi Asiriap mandacünin jawcallaña cuticula.

21Ñatac Manahempa mandacuyninćhu lluy lulaśhancuna Israel lädu mandacünincunap isquirbishan librunćhümi cayan.

22Manahem wañucuptinmi awquilluncuna caśhanman pampälälila. Pudirninꞌa chulin Pekaiañam mandacula.

Israel lädućhümi Pekaia mandacun

23Chay Juda lädućhu picha ćhunca (50) wataña Azarias mandacuyaptinmi Israel lädućhu mandacuyta allaycula Manahempa chulin Pekaia. Paymi Samariapi ishcay wata mandacula.

24Ñatac Tayta Diospa ñawquin paypis mana allintamá lulala. Nabatpa chulin Jeroboam israelcunäta mana allin lulachishannümari imaypis pay jinalla lulaycula.

25Pilyänincunap jucnin puydïninmi Remaliaspa chulin Peka mandacüninpa cuntran śhalcülun. Chaymi Galaad lädu picha ćhunca (50) yanapä nunacunäwan Samariaćhu cä palasyu luliman yaycuycul camacaycüla Pekaiata, Argobta, Arietapis. Chaynu wañulcachilmi pudirnin mandacü taycucuycula.

26Ñatac Pekaiapa mandacuyninćhu lluy lulaśhancuna Israel lädu mandacünincunap isquirbishan librunćhümari cayan.

Israel lädućhümi Peka mandacun

27Chay Juda lädućhu picha ćhunca ishcayniyu (52) wataña Azarias mandacuyaptinmi Israel lädućhu mandacuyta allaycula Remaliaspa chulin Peka. Paymi Samariapi ishcay ćhunca (20) wata mandacula.

28Ñatac Tayta Diospa ñawquin paypis mana allintam lulala. Nabatpa chulin Jeroboam Israel läducunäta mana allin lulachishannümari imaypis pay jinalla lulaycula.

29Israel lädućhu Peka mandacuyaptinmi Asiriap mandacünin Tiglat-pileser pudiracuycula Ijon, Abel-bet-maaca, Janoa, Cedes, Hazor, Galaad, Galilea, jinaman jinantin Neftali malcacunactapis. Nunancunactañatacmi Asiria läduman prïsu puśhaculcäla.

30Chaymi Remaliaspa chulin Pekap cuntran śhalculcul Elapa chulin Oseas wañüchin. Jinalculmi Oseasña pudirnin mandacü cala. Chaynu pasala Juda lädućhu ishcay ćhunca (20) wataña Uziaspa chulin Jotam mandacü cayaptinmari.

31Ñatac Pekap mandacuyninćhu lluy lulaśhancuna Israel lädu mandacünincunap isquirbisha librunćhümi cayan.

Juda lädućhümi Jotam mandacun 2Cro 27.1-9

32Chay Israel lädućhu ishcay wata Remaliaspa chulin Peka mandacuyaptinmi Juda lädućhu mandacuyta allaycula Uziaspa chulin Jotam.

33Pay ishcay ćhunca pichayu (25) watanta liyalmi mandacuyta allaycula. Jerusalenpïta ćhunca sütayu (16) watam mandacula. Mamanñatacmi Sadocpa chulin Jerusa cala.

34Jotamꞌa papänin Uzias allin lulaśhantanümi Tayta Diospa ñawquin allincällacta lulaycula.

35Paytacmi Tayta Diospa alawana wasinpa waśha lädu puncun cäcäta lulachila. Ñatac ulꞌucunäćhu cañaywan uycunacunäta manamá chincachilachu. Chaymi nunacunaca taytachancunaman jinalla cañaywan uycapäcula, insinsiucunactapis cañaycapäcula.

36Ñatac Jotampa mandacuyninćhu lluy lulaśhancuna Juda lädu mandacünincunap isquirbishan librunćhümi cayan.

37Chay timpum Tayta Dios camachila Siriap mandacünin Rezinta, jinaman Remaliaspa chulin Israel lädup mandacünin Pekata Juda läduman pilyä yaycunanpä.

38Jotam wañucuptinmi awquilluncuna pampaläśhan Davidpa Malcan nishanman pampälälila. Paypa pudirnin chulin Acazñam mandacüca cala.