Amos 5 - Bibel 2011 - Bibelselskapet(Bibel2011)

Likklage over Israel

1 Høyr dette ordet, Israels hus,

ei likklage som eg stemmer i om dykk.

2 Ho er fallen, ho reiser seg aldri meir,

jomfru Israel.

Ho ligg forlaten på eiga jord,

ingen reiser henne opp.

3For så seier Herren Gud:

Den byen som dreg ut med tusen mann,

får hundre att,

og den som dreg ut med hundre,

får ti att

i Israels hus.

Søk Herren, så skal de leva

4 Søk Herren, så skal de leva!

Elles kjem han som eld over Josefs hus,

han øyder,

og det er ingen i Betel til å sløkkja.

Dom over stormenn

7 Dei hatar den som hevdar retten i porten,

og avskyr den som talar sant.

11 Hat det vonde og elsk det gode,

hald retten høgt i porten!

Så vil kanskje Herren, allhærs Gud,

vera nådig mot resten av Josef.

16 Og bar de på Sakkut, kongen dykkar,

og Kevan, gudestjerna,

bileta som de har laga?

27 Eg fører dykk i eksil bortanfor Damaskus,

seier Herren. Allhærs Gud er namnet hans.