Jesaja 11 - Bibel 2011 - Bibelselskapet(Bibel2011)

Den rettferdige kongen

1 Ein kvist skal skyta opp frå Isais stubbe,

og eit skot skal spira fram frå hans røter.

2

slik vatnet dekkjer havsens botn.

10 Den dagen skal Isais rotskot

stå som eit banner for folka.

Folkeslaga skal søkja han,

og hans bustad skal vera herleg.

Dei bortførte skal venda attende

11 Den dagen skal Herren for andre gong

rekkja ut si hand og kjøpa fri

resten av folket sitt,

dei som er att frå Assur, Egypt, Patros, Kusj,

Elam, Sinear, Hamat og frå kystlanda.

12 Sal 147,2; Jes 18,3; 62,10 Han skal lyfta eit banner for folka,

samla dei fordrivne av Israel

og føra saman dei spreidde av Juda

frå verdsens fire hjørne.

13 Jer 3,18 Då skal Efraims misunning forsvinna

og Judas fiendskap ryddast ut.

Efraim skal ikkje misunna Juda

og Juda ikkje vera fiendtleg mot Efraim.

14Dei skal slå ned på skuldra til filistrane i vest,

saman skal dei plyndra folka i aust.

Dei skal leggja hand på Edom og Moab,

ammonittane må lyda dei.

15 2 Mos 14,22; Sak 10,11 Då skal Herren tørka ut

havbukta ved Egypt

og svinga handa over Storelva.

Med ein sterk storm

skal han kløyva elva i sju bekkefar

så ein kan gå tørrskodd over.

16 2 Mos 14,29ff; Mi 7,15 Og det skal vera ein veg

for den resten som er att

av Herrens folk frå Assur,

slik det var for israelittane

den dagen dei drog opp frå Egypt.