Salmane 108 - Bibel 2011 - Bibelselskapet(Bibel2011)

1Ein song. Ein salme av David.

2 Gud har tala i sin heilagdom:

Med jubel vil eg dela ut Sikem,

Sukkot-dalen vil eg måla opp.

9Mitt er Gilead, mitt er Manasse,

Efraim er hjelmen på mitt hovud,

Juda er min styrarstav.

10Men Moab er mitt vaskefat,

på Edom kastar eg sandalen.

Eg triumferer over Filistarland.

11Kven fører meg til festningsbyen,

kven leier meg til Edom?

12Du har jo støytt oss bort, Gud,

du drog ikkje ut med våre hærar.

13Støtt oss mot fienden!

Hjelp frå menneske er ingenting verd.

14I Gud skal vi gjera storverk.

Han skal trakka ned våre fiendar.