Høgsongen 8 - Bibel 2011 - Bibelselskapet(Bibel2011)

1Var du som ein bror for meg,

ein som mor mi hadde amma,

då ville eg ha kyst deg

når vi møttest ute,

og ingen hadde forakta meg.

2 Vi har ei lita syster

som ikkje har bryst.

Kva skal vi gjera med syster vår

den dagen ho blir lova bort?

9Er ho ein mur, vil vi byggja

tindar av sølv på han.

Er ho ei dør, vil vi sperra henne

med ein sederplanke.

10Eg var ein mur,

og brysta mine som tårn;

framfor hans auge har eg vorte

lik ei som finn fred.

11 Salomo hadde ei vinmark i Baal-Hamon.

Han gav vinmarka bort til paktarane,

kvar av dei skulle gje han

tusen sølvpengar for frukta.

12 Mi vinmark er berre mi, den rår eg over sjølv.

Dei tusen er dine, Salomo,

to hundre er til dei som vaktar frukta.

13Du jente som held til i hagane,

venene lyder på di røyst.

Lat meg få høyra henne!

14 2,17 Fly, kjærasten min,

ver som ein gasell, som ein ung hjort

over fjell med angande urter!