Salmane 93 - Bibel 2011 - Bibelselskapet(Bibel2011)

1 89,19; 96,10; 97,1; 99,1 Herren er konge!

Han har kledd seg i høgd,

Herren har kledd seg i kraft

og spent beltet om livet.

Verda står fast, ho skal ikkje rokkast.

2Di trone står fast frå gammal tid,

du er til frå æve.

3 46,3f+ Elvane ropar, Herre,

elvane ropar med høg røyst.

Elvane ropar med dundrande røyst.

4 Herren er mektig i det høge,

meir mektig enn ljomen frå veldige vatn,

enn havsens mektige brotsjøar.

5 19,8+ Pålitelege er dine lovbod.

Ditt hus skal vera heilagt gjennom alle tider, Herre.