Salmane 4 - Bibel 2011 - Bibelselskapet(Bibel2011)

1 Til korleiaren. Med strengespel. Ein salme av David.

2Svar meg når eg ropar,

du min rettferds Gud!

Du viser meg ein veg ut av nauda.

Ver meg nådig og høyr mi bøn!

3De menneske, kor lenge

skal mi ære krenkjast?

Kor lenge skal de elska det som er tomt

og jaga etter løgn? Sela

4Vit at Herren gjer under

for den som er trufast mot han.

Herren høyrer når eg ropar til han.

5 Skjelv for han og synd ikkje meir.

Sei til dykk sjølve når de går til ro: «Ver stille!» Sela

6 Mange seier:

Kven kan gje oss lukke?

Lat lyset frå ditt andlet

skina over oss, Herre!

8Du gjev meg større glede i hjartet

enn andre får av mengder med korn og vin.

9 3,6 I fred vil eg leggja meg ned og sova.

For du, Herre, berre du

lèt meg kvila trygt.