Hosea 5 - Bibel 2011 - Bibelselskapet(Bibel2011)

Dommen gjeld dykk

1 Høyr dette, de prestar,

og lytt, du Israels hus,

du kongehus, vend øyret til!

Dommen gjeld dykk!

For de har vorte ei snare for Mispa,

eit utspent nett på Tabor

2 og ei djup fallgrav i Sjittim.

Men eg vil tukta dei alle.

3 Dei har vore trulause mot Herren,

for dei har fått born som ikkje er hans.

No skal nymånen eta opp

både dei og det dei eig.

Herren er som ei løve

8 Lat hornet gjalla i Gibea,

blås i trompet i Rama,

lyft hærrop i Bet-Aven!

Dei er etter deg, Benjamin!

9 Og Efraim såg sin sjukdom

og Juda sitt sår.

Då gjekk Efraim til Assur

og sende bod til storkongen.

Men han kan ikkje gjera dykk friske

og ikkje lækja dykkar sår.

14Sanneleg, eg er som ei løve mot Efraim,

som ei ungløve mot Judas hus.

Eg, eg riv sund og går min veg,

eg sleper bort, og ingen bergar.

15 3 Mos 26,40; Sal 78,34 Eg vil venda attende til min stad

til dess dei erkjenner si skuld

og søkjer mitt andlet.

I si naud skal dei leita etter meg.