Salmane 113 - Bibel 2011 - Bibelselskapet(Bibel2011)

1 134,1; 135,1 Halleluja!

Syng lovsong, Herrens tenarar,

pris Herrens namn!

2 115,18; Dan 2,20 Velsigna vere Herrens namn

frå no og til evig tid!

3 Mal 1,11 Der sol går opp og sol går ned,

skal Herrens namn vera lova.

4 148,13 Herren er opphøgd over alle folkeslag,

hans herlegdom er høgare enn himmelen.

5 2 Mos 15,11; Sal 138,6 Kven er som Herren vår Gud,

han som tronar i det høge

6og ser i det djupe

– kven i himmelen, kven på jorda?

7 1 Sam 2,8; Sal 147,6; Luk 1,52 Han reiser den veike opp av støvet

og lyfter den fattige frå dungen.

8 34,16+ Han gjev dei plass blant stormenn,

dei store i sitt folk.

9 1 Mos 21,2; 1 Sam 1,20; 2,5; Jes 54,1; Luk 1,57 Den barnlause lèt han bu i huset

som lukkeleg mor til ein barneflokk.

Halleluja!