Eshaiah 61 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Yspryd Iehofah (sydd) arnaf,

Canys enneiniodd Iehofah fyfi;

I bregethu i’r rhai llariaidd yr anfonodd Efe fi,

I rwymo y rhai drylliedig eu calon,

I gyhoeddi i’r caethion ryddid,

Ac i’r rhai mewn rhwymau lawn-ollyngdod;

2I gyhoeddi blwyddyn foddhâol gan Iehofah,

A dydd dïal ein Duw ni;

I gysuro yr holl rai galarus;

3I beri (llawenydd) i alarwŷr Tsïon,

I roddi iddynt goron hardd yn lle lludw,

Olew llawenydd yn lle galar,

Gwisg moliant yn lle yspryd llesg,

Fel y gelwid hwynt yn Dderw cyfiawnder,

Yn Blanhigyn Iehofah, fel y prydferther Ef.

4Ac fe adeilada (dy eppil) yr anialoedd gynt,

Anghyfanneddleoedd y cynfyd, hwy a’u cyfodant,

Ac adnewyddant ddinasoedd diffaeth,

Anghyfanneddfaoedd oes ac oes.

5Sefyll a wna dieithriaid a phorthi eich praidd,

A meibion y dieithr (a fyddant) eich arddwŷr a’ch gwinllanwŷr:

6Ond chwychwi, “Offeiriaid Iehofah” y’ch gelwir chwi;

“Gweinidogion ein Duw ni,” meddir wrthych:

Golud y cenhedloedd a fwyttêwch,

Ac yn eu gogoniant yr ymglodforwch.

7Yn lle eich cywilydd (y cewch feddiant) dau ddyblyg;

Ac (yn lle) gwaradwydd hwy a lawenychant yn eu rhan;

Gan hynny yn eu gwlad (meddiant) dau ddyblyg a gânt feddiannu,

Llawenydd tragywyddol a fydd iddynt.

8Canys Myfi (wyf) Iehofah, yn hoffi barn,

Yn casâu trais ac anghyfiawnder;

A rhoddaf iddynt eu gweithredoedd mewn gwirionedd,

A chyfammod tragywyddol a wnaf Fi â hwynt.

9Ac fe adweinir 『2eu hâd hwynt』 『1ym mysg y cenhedloedd,』

A’u heppil ynghanol y bobloedd;

Yr holl rai a’u gwelont a’u hadwaenant,

Mai hwynt hwy (sydd) hâd a fendithiodd Iehofah.

10Gan lawenychu y llawenychaf yn Iehofah,

Gorfoleddu a wna fy enaid yn fy Nuw,

Canys gwisgodd fi â dillad iachawdwriaeth,

 mantell cyfiawnder y gorchuddiodd Efe fi;

Fel y mae priod-fab yn ymharddu fel offeiriad â choron,

Ac fel y mae priod-ferch yn ymaddurno â ’i thlysau.

11Yn ddïau megis y mae ’r ddaear yn bwrw allan ei hegin,

Ac fel y mae gardd yn peri i’w hadau egino,

Felly yr Arglwydd Iehofah a bair eginad cyfiawnder

A moliant, ger bron yr holl genhedloedd.