Psalmau 92 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Psalm, Cân; i’r dydd Sabboth.

2Da (yw) moliannu Iehofah,

A chanu’r tannau i’th enw Di, O Oruchaf,

3Mynegi’r bore Dy drugaredd,

A’th ffyddlondeb y nosweithiau,

4A’r ddegtant, ac ar y nabl,

(Ac) i swn y delyn:

5Canys llawenychaist fi, O Iehofah, â’th waith,

Yngweithredoedd Dy ddwylaw y llawen-ganaf:

6—Mor fawr yw Dy weithredoedd, O Iehofah,

Tra dwfn yw Dy fwriadau!

7Gwr annoeth ni ddeall,

Ac yr ynfyd ni chenfydd, hyn!

8Pan flaguro’r annuwiolion fel llysieuyn,

Ac y blodeua holl weithredwyr anwiredd,

—I’w dinystrio hwynt am byth bythoedd (y mae hynny),

9Eithr Tydi (wyt) ddyrchafedig yn dragywydd, O Iehofah!—

10Canys, wele, Dy elynion, O Iehofah,

Canys, wele, Dy elynion a ddifethir,

Ymwasgar holl weithredwyr anwiredd;

11Ond dyrchefi fy nghorn i fel y bual,

Eneinnir fi âg olew îr,

12Ac fe sylla fy llygad ar fy nghynllwynwyr,

Ac am y drwg ymgodwyr i’m herbyn y clyw fy nghlustiau.

13Y cyfiawn, fel palmwydden, a flagura,

Fel cedrwydden ar Lebanon y cynnydda efe,

14Wedi eu plannu yn nhŷ Iehofah

Ynghynteddoedd ein Duw ni y blagurant,

15Etto y blaendarddant yn (eu) henaint,

Tirfion ac iraidd fyddant,

16I fynegi mai uniawn (yw) Iehofah,

Fy Nghraig, ac nad (oes) anghyfiawnder ynddo Ef.