Psalmau 41 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. Psalm o eiddo Dafydd.

2O ddedwyddwch y neb a ystyrio’r llesg;

Yn nydd drygfyd, diangc a rydd Iehofah iddo,

3Iehofah a’i ceidw ac a’i bywhâ; gwynfydedig fydd ar y ddaear;

—Ac na ddyro Di ef i ewyllys ei elynion!

4Iehofah a’i cynnal ar wely llesgedd,

Ei holl orweddfa a newidi Di yn ei glefyd.

5 Myfi a ddywedais, “O Iehofah bydd raslawn wrthyf,

Iachâ fi, canys pechais yn Dy erbyn”;

6Fy ngelynion a lefarant ddrwg am danaf, (sef)

“Pa bryd y trenga efe ac y derfydd am ei enw?”

7Ac os daw i’m hedrych, ffalsder a lefara efe,

(Ond) ei galon a gasgl iddi ei hun drychineb,

Aiff allan (ac a’i) hadrodda;

8Ynghŷd, yn fy erbyn, yr hustynga fy holl gaseion,

Yn fy erbyn y dychymygant ddrwg i mi, (sef)

9“Peth dinystriol a dywalltwyd arno,

A’r hwn sy’n gorwedd ni chwannega godi;”

10Hyd yn oed y gwr mewn cyfeillach â mi,—yr hwn yr ymhyderwn ynddo,—

Yr hwn a fwyttâai fy mara,—a ddyrchafodd ei sawdl i’m herbyn:

11Eithr Tydi, O Iehofah,—bydd raslawn wrthyf, a phar i mi godi,

Fel y talwyf iddynt hwy!

12Wrth hyn y câf wybod ymhyfrydu o Honot ynof,

Am na chaiff fy ngelyn orfoleddu i’m herbyn.

13A myfi,—yn fy niniweidrwydd y’m cynheliaist,

Ac y’m gosodaist ger Dy fron yn dragywydd.

14Bendigedig (fo) Iehofah, Duw Israel,

O dragywyddoldeb a hyd dragywyddoldeb;

Amen ac Amen!