Psalmau 53 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

LIII.cydmerwch

Psalm 14.

1I’r blaengeiniad. Ar y delyn. Awdl addysgiadol o eiddo Dafydd.

2Dywedodd yr ynfyd yn ei galon “Nid oes’r un Duw;”

Llygredig, ïe ffïaidd waith a wnaethant hwy,

Heb neb yn gwneud yr hyn sy dda.

3Iehofah, o ’r nefoedd, a edrychodd allan ar feibion dynion,

I weled a oedd neb pwyllog,

Neb a geisiai Dduw:—

4Pob un o honynt a giliasai yn ol, ynghŷd y troisant yn sur,

Nid oes a wnel y da,—nid oes hyd yn oed un.

5Oni ŵyr gweithredwyr anwiredd?—

Bwyttawyr fy mhobl a fwyttasant fara,

Ar Dduw ni alwasant:

6Yna y dychrynasant â dychryn, (lle) nid oedd dychryn,

Canys Duw a wasgarodd esgyrn yr hwn a’th warchaeodd,

Gwaradwyddaist (hwynt) canys Duw a’u dirmygodd.

7Oh na roddasid, o Tsïon, waredigaeth Israel!

Pan ddychwelo Duw gaethiwed Ei bobl,

Y gorfoledda Iacob, y llawenhâ Israel!