Iöb 26 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

XXVI.

1Yna yr attebodd Iöb, a dywedodd,

2 Pa wedd y cynnorthwyaist ti y diffygiol o nerth,

Y cynneliaist fraich y diffygiol o gadernid!

3Pa wedd y cynghoraist y diffygiol o ddoethineb,

Ac yr hyspysaist ddysbwyll yn ehelaeth!

4I bwy yr adroddaist ti ymadrodd?

Ac anadl pwy a ddaeth allan o honot?

5 Y gwyllion a ddychrynir oddi tanodd,

Y dyfroedd a’u trigolion;

6Noeth (yw) annwn ger Ei fron Ef,

Ac nid (oes) orchudd i ddifancoll;

7(Ef), yr Hwn sy’n taenu ’r gogledd ar wagder,

Yr Hwn sy’n crogi ’r ddaear ar ddiddym;

8Yr Hwn sy’n cau i fynu ddyfroedd yn Ei gymmylau duon,

Ac ni holltir y cwmmwl tanynt hwy;

9Yr Hwn sy’n cadw (rhagom) wyneb Ei orsedd-fainge,

Gan ddarledu arni hi Ei gwmmwl;

10Terfyn crwn a roddodd Efe ar wyneb y dyfroedd,

Hyd berffeithrwydd, ar y goleuni ynghŷda ’r tywyllwch;

11Colofnau ’r nefoedd ŷnt yn crynu,

Ac mewn syndod, rhag Ei sèniad Ef;

12Trwy Ei nerth y cynhyrfa Efe y dyfroedd,

fföedig:

14 Wele, hyn (ydynt) eithafion Ei ffyrdd Ef;

A’r fath hustyng o air yw’r hyn a glywsom;

Ond taran Ei gadernid Ef — pwy a’i deall?