Eshaiah 58 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Llefa â’th wddf, nac attal,

Fel udgorn dyrchafa dy lais,

A mynega i’m pobl eu camwedd,

Ac i dŷ Iacob eu pechodau.

2Etto Myfi dydd (ar) ddydd a geisiant hwy,

A gwybodaeth o’m ffordd a hoffant hwy;

Fel cenedl ag sy’n 2gwneuthur 1cyfiawnder

Ac â barnedigaeth ei Duw nad ymadawodd,

Gofynant i Mi farnedigaethau cyfiawnder,

Nesâu at Dduw yr hoffant.

3 Pa ham (meddant) yr ymprydiasom, ac nis gwelaist?

Y cystuddiasom ein henaid, ac nis gwybuost?

Wele! yn nydd eich ympryd yr ydych yn cael hyfrydwch,

A’ch holl lafur yr ydych yn ei fynnu.

4Wele, i ymryson a chynnen yr ymprydiwch,

Ac i daro â dwrn camwedd.

Nac ymprydiwch fel y dydd hwn

I beri clywed yn yr uchelder eich llais.

5Ai fel hwn yw ’r ympryd a ddewisais?

(Sef) dydd i gystuddio o ddyn ei enaid?

Ai crymmu, fel brwynen, ei ben,

A 3thaenu 1sachlïain a 2lludw,

Ai hyn a elwir yn ympryd

Ac yn ddiwrnod boddhâol i Iehofah?

6Onid hwn yma yw ’r ympryd a ddewisais,

(Sef) dattod rhwymau camwedd,

Tynnu ymaith gylymau ’r iau,

A gollwng y rhai drylliedig yn rhyddion,

A 2thorri o honoch 1bob 2iau?

7Onid rhannu i’r newynog dy fara,

A 『2dwyn o honot』 『1y trueiniaid crwydrawl』 i (’th) dŷ?

Pan welych un noeth, ei ddilladu,

Ac oddi wrth dy gnawd dy hun beidio âg ymguddio?

8 Yna y tyr allan, fel y wawr, dy oleuni,

A’th iachâd yn fuan a egina;

Ac o ’th flaen di yr aiff dy gyfiawnder,

A gogoniant Iehofah a gasgl yr olion.

9Yna y gelwi ac Iehofah a ettyb,

Y gweiddi ac Efe a ddywaid Wele Fi!

Os bwri o ’th fysg yr iau,

Yr estyn bŷs, a’r dywedyd oferedd,

10Os dygi allan dy fara i’r newynog,

Ac (os) yr enaid cystuddiedig a ddiwelli,

Yna mewn 2tywyllwch y 1cyfyd dy oleuni,

A ’th fagddu (a fydd) fel hanner dydd;

11A thywysa Iehofah di beunydd,

Ac Efe a ddiwalla 『2dy enaid』 『1yn y mawr sychder,』

A ’th esgyrn Efe a nertha,

A thi a fyddi fel gardd ddyfradwy, ac fel flynnon ddwfr

Yr hon ni phalla ei dyfroedd:

12Ac fe adeilada dy eppil yr anialoedd gynt;

Sylfeini cenhedlaeth a chenhedlaeth ti a’u hadferi;

A gelwir di Adeiladwr yr adwy,

Cyweiriwr llwybrau i gyfanneddu (ynddynt).

13O thröi oddi wrth y Sabboth dy droed

Rhag gwneuthur dy ewyllys ar ddydd Fy sancteiddrwydd,

A galw ’r Sabboth yn hyfrydwch,

(Dydd) sanctaidd Iehofah yn ogoneddus,

A’i anrhydeddu ef heb wneuthur dy ffordd dy hun,

Heb geisio dy ewyllys dy hun a dywedyd (dy) eiriau (dy hun);

14Yna yr ymhyfrydi yn Iehofah,

A Mi a wnaf it’ farchogaeth ar uchelfëydd y ddaear,

Ac a’th borthaf âg etifeddiaeth Iacob dy dad;

Canys genau Iehofah a’i llefarodd.