Psalmau 149 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Molwch Iah!

Cenwch i Iehofah ganiad newydd,

(A)’i foliant Ef ynghynnulleidfa ’r saint!

2Llawenhaed Israel yn ei Wneuthurwr,

Meibion Tsïon a orfoleddont yn eu Brenhin!

3Molent hwy Ei enw â’r dawns,

Ar dympan a thelyn canant Iddo,

4Canys ymhoffodd Iehofah yn Ei bobl,

Prydferthodd y trueiniaid âg iachawdwriaeth!

5Gorfoledded y saint, mewn gogoniant,

Llawen-ganent hwy ar eu gwelyau,

6(Gyda) mawr foliant Duw yn eu gwddf,

A chleddyf daufiniog yn eu dwylaw

7I wneuthur dïal ar y cenhedloedd,

(A) chosp ar y bobloedd;

8I rwymo eu brenhinoedd â chadwynau,

A’u pendefigion â gefynnau heiyrn;

9I wneuthur arnynt y farn ysgrifenedig!

Ardderchowgrwydd (yw) hyn i’w holl saint Ef!

Molwch Iah!