Psalmau 88 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

LXXXVIII.

1Cân. Psalm. I feibion Corah. I ’r blaengeiniad. Ar y delyn.

I’w chanu. Awdl addysgiadol. I Heman yr Ezrahiad.

2O Iehofah Dduw fy iachawdwriaeth,

Lliw dydd y gwaeddaf, (ac) yn y nos o’th flaen Di!

3Dyfod ger Dy fron a fo i’m gweddi,

Gogwydda Dy glust at fy llefain,

4Canys gorlawn o ddrygau yw fy enaid,

A’m heinioes at annwn a gyrhaeddodd;

5Cyfrifwyd fi gyda’r rhai sy’n disgyn i’r pwll,

Aethum yn debyg i wr heb nerth;

6Ynghyda’r meirw (y mae) fy ngwely,

Fel y lladdedig sy’n gorwedd yn y bedd,

Y rhai ni chofi mwy,

A hwy, oddi wrth Dy law Di y torrwyd hwynt;

7Gosodaist fi yn y pwll isaf,

Yn y tywyllwch, yn y dyfnderau;

8Arnaf y pwysa Dy angerdd,

Ac â’th holl donnau y’m gorthrymmi: Selah.

9Pellhêaist fy nghydnabod oddi wrthyf,

Gwnaethost fi yn ffieidd-dra iddynt,

Yn warchaeëdig ac ni allaf fyned allan;

10Fy llygad a nychodd gan gystudd,

Gelwais Arnat, O Iehofah, bob dydd,

Lledais Attat fy nwylaw (gan ddywedyd)

11“Ai i’r meirw y gwnei ryfeddod,

Ai’r gwyllion a gyfodant (ac) a’th foliannant? Selah.

12A draethir yn y bedd Dy drugaredd,

A’th ffyddlondeb yn nifancoll?

13A adnabyddir yn y tywyllwch Dy ryfeddod,

A’th gyfiawnder yn nhir angof?”

14 Eithr myfi,—Attat, O Iehofah, y llefaf,

Ac yn y bore fy ngweddi sy’n dyfod o’th flaen!

15Pa ham, O Iehofah, y gwrthodi fy enaid,

Y cuddi Dy wyneb oddi wrthyf?

16Truan myfi, ac ar drangcedigaeth o’m hieuengctid,—

Dygais Dy ddychryniadau, diflannu yr wyf;

17Trosof yr aeth Dy soriant,

Dy ddychrynedigaethau a’m llwyr-ddifasant,

18Cylchynant fi, fel dyfroedd, bob dydd,

Ant o’m hamgylch ynghŷd;

19Pellhêaist oddi wrthyf gâr a chyfaill,

cydmerwch Iöb 17:14. A’m cydnabod (ŷnt)—y tywyllwch.