1Psalm o eiddo Dafydd. I beri coffâd.
2O Iehofah, nid yn Dy lid bydded it’ fy nghospi,
Nac yn Dy lidiowgrwydd fy ngheryddu!
3Canys Dy saethau a ddisgynasant ynof,
A disgyn arnaf a wnaeth Dy law;
4Nid dim cyfan (sydd) yn fy nghnawd o herwydd Dy ddigllonedd,
Nid dim heddwch (sydd) yn fy esgyrn o herwydd fy mhechod;
5Ië, fy nghospedigaethau sydd dros fy mhen,
Megis baich trwm, rhy drwm y maent i mi;
6Drewi a rhedeg y mae fy nghleisiau,
O herwydd fy ynfydrwydd;
7Crymmwyd fi, a darostyngwyd fi yn ddirfawr,
Beunydd mewn galar-wisg yr ymrodiaf,
8Canys fy lwynau a lanwyd o danchwydd,
Ac nid dim cyfan (sydd) yn fy nghnawd;
9Merwinais, a drylliwyd fi yn ddirfawr,
Bloeddio yr wyf o herwydd rhuad fy nghalon.
10O Arglwydd, o’th flaen Di (y mae) fy holl ddymuniad,
A’m huchenaid, oddi wrthyt Ti ni chuddiwyd;
11Fy nghalon a ddychlamma, gadawodd fy nerth fi,
A llewyrch fy llygaid, — hefyd hyn nid yw gennyf;
12Fy ngharedigion a’m cyfeillion, oddi ar gyfer fy mhla y safant,
A’m cyfneseifiaid, o hirbell y maent yn sefyll;
13A gosod maglau y mae y rhai sy’n chwilio am fy eimoes,
A’r rhai sy’n ceisio fy niweid a draethant ddistryw,
A dichellion beunydd a fyfyriant hwy:
14A myfi, — fel byddar, ni chlywaf,
Ac fel mudan nad egyr ei enau;
15Ac aethum fel gwr, yr hwn nid yw ’n clywed,
Ac nad (oes) yn ei enau resymmau;
16O herwydd ynot Ti yr wyf yn gobeithio,
(A) Thydi a’m gwrandewi, O fy Arglwydd a’m Duw,
17Canys dywedais, “Na lawenychant hwy o’m hachos,
Wrth siglo o’m troed, yn fy erbyn nac ymfawrygant hwy;”
18Canys myfi, — i gwympo yr wyf yn barod,
A’m dolur (sydd) ger fy mron beunydd;
19Canys fy nrygioni yr wyf yn ei addef,
A gofidiaf o herwydd fy mhechodau:
20Ond fy ngelynion heb achos ŷnt gedyrn,
Ac aml yw fy nghaseion heb sail,
21A’r rhai a dalant ddrwg dros dda
Ynt elynawl i mi am ddilyn o honof (eu) da.
22Na ad fi, O Iehofah,
Fy Nuw, nac ymbellhâ oddi wrthyf!
23Brysia i’m cymmorth,
O fy Arglwydd, fy Iachawdwriaeth!
Who We AreWhat We EelieveWhat We Do
2025 by iamachristian.org,Inc All rights reserved.
