1Iehofah sy’n teyrnasu, gorfoledda’r ddaear,
Llawenycha gwledydd lawer!
2Cymmylau a’u tywyllwch (sydd) o’i amgylch Ef,
Cyfiawnder a barn (ŷnt) sail Ei orseddfaingc;
3Tân o’i flaen Ef sy’n myned,
Ac yn llosgi Ei elynion o amgylch!
4 Llewyrchodd Ei fellt Ef y byd:
Gwelodd a chrynodd y ddaear;
5Y mynyddoedd, fel cŵyr, a doddasant o flaen Iehofah,
O flaen Arglwydd yr holl ddaear;
6Mynegodd y nefoedd Ei gyfiawnder,
A gwelodd yr holl bobloedd Ei ogoniant!
7Gwaradwyddir holl wasanaethwyr delw gerfiedig,
—Yr ymffrostwyr mewn eilunod,—
Gwarogaethu iddo Ef a wna yr holl dduwiau!
8Fe glyw ac fe lawenycha Tsïon,
Fe orfoledda merched Iwdah,
O herwydd Dy farnedigaethau, O Iehofah!
9Canys Tydi, O Iehofah, (wyt) oruchel goruwch yr holl ddaear,
Dirfawr y’th ddyrchafwyd goruwch yr holl dduwiau!
10O hoffwyr Iehofah,—casêwch ddrygioni,—
Yr Hwn sy’n cadw eneidiau Ei saint,
O law yr annuwiolion yr achub Efe hwynt!
11Goleuni a hauwyd i’r cyfiawn,
Ac i’r rhai uniawn o galon lawenydd!
12Llawenhewch, O gyfiawn rai, yn Iehofah,
A moliennwch Ei goffadwriaeth sanctaidd!
Who We AreWhat We EelieveWhat We Do
2025 by iamachristian.org,Inc All rights reserved.
