Psalmau 44 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. I feibion Corah. Awdl addysgiadol.

2O Dduw, â’n clustiau y clywsom,

Ein tadau a fynegasant i ni,

Y weithred a wnaethost yn eu dyddiau hwy,

(Ac) yn y dyddiau gynt, (sef)

3Tydi, Dy law Di,—y cenhedloedd a yrraist allan, a phlennaist hwythau,

Drygaist y bobloedd, a lledanaist hwythau;

4Canys nid â’u cleddyf eu hun y meddiannasant y tir,

A’u braich eu hun, nid hi a’u cynhorthwyodd hwynt,

Ond Dy ddeheulaw Di, a Dy fraich Di, llewyrch Dy wyneb Di,

O herwydd hoffi o Honot hwynt:

5Tydi, Dy hun, (wyt) fy Mrenhin, O Dduw;

Gorchymyn waredigaeth Iacob!

6Trwot Ti y corniwn ein gorthrymwyr,

Trwy Dy enw Di y sathrwn y rhai a gyfodant i’n herbyn,

7Canys nid yn fy mwa yr ymhyderaf,

A’m cleddyf i ni’m gweryd;

8Eithr gwaredaist Ti ni rhag ein gorthrymwyr,

A’n caseion a waradwyddaist.

9I Dduw y canwn fawl beunydd,

A Dy enw, yn dragywydd y’i clodforwn! Selah.

10Ond bwriaist ymaith a gwarthruddaist ni,

Ac nid wyt yn myned allan gyda ’n lluoedd;

11Gwnaethost i ni droi yn ol oddi wrth y gorthrymmwr,

A’n caseion a anrheithiasant iddynt eu hun;

12Rhoddaist ni fel dïadell i’w bwytta,

Ac ym mysg y cenhedloedd y’n gwasgeraist;

13Gwerthaist Dy bobl heb elw,

Ac ni chwanegaist (Dy olud) o’u gwerth hwynt:

14Gosodaist ni yn waradwydd i’n cymmydogion,

Yn watwargerdd ac yn wawd i’r rhai sydd o’n hamgylch;

15Gosodaist ni yn ddïareb ym mysg y cenhedloedd,

Yn rhai i ysgwyd pen arnynt ym mysg y bobloedd;

16Beunydd (y mae) fy ngwarthrudd ger fy mron,

A chywilydd fy ngwyneb a’m gorchuddia,

17O herwydd llais y gwaradwyddwr a’r cablwr,

O herwydd gwyneb y gelyn a’r ymddialgar!

18Hyn oll a ddaeth arnom; ac ni ’th anghofiasom Di,

Ac ni buom anffyddlon yn Dy gyfammod,

19Ac heb wrthgilio o’n calon yn ol,

Na gwyro o’n camrau allan o’th lwybr,

20Fel y malurit ni ynnhrigfa’r dreigiau,

Ac y’n gorchuddit â chysgod angeuaidd.

21Ped anghofiasem enw ein Duw,

A lledu ein dwylaw at dduw dïeithr,

22Onid Duw a chwiliasai hynny allan,

Canys Efe sy’n gwybod dirgeloedd y galon?

23Eithr o’th achos Di y’n lleddir beunydd,

Y’n cyfrifr fel diadell i’w lladd!

24Deffro! pa ham y cysgi, O Arglwydd?

Dihuna, na fwrw ni ymaith am byth!

25Pa ham y cuddi Dy wyneb,

Yr anghofi ein cystudd a’n gorthrymder?

26Canys wedi ei ddarostwng i’r llwch y mae ein henaid,

Glynu wrth y ddaear y mae ein bol.

27Cyfod, O ein Cymmorth,

Rhyddhâ ni er mwyn Dy radlondeb!