Psalmau 122 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Cân y graddau. Eiddo Dafydd.

Llawenychais o blegid y rhai a ddywedent wrthyf,

“I dŷ Iehofah yr awn.”

2Sefyll y byddai ein traed

O fewn dy byrth di, O Ierwshalem!

3Ierwshalem, yr adeiledig

Fel dinas a gafodd iddi ei hun ymgyssylltiad hollol;

4I’r hon yr esgynai’r llwythau,

Llwythau Iah, yn ol yr ordinhad i Israel,

I foliannu enw Iehofah;

5 Canys yno y gosodwyd gorseddfeingciau i farn,

Gorseddfeingciau i dŷ Dafydd.

6Dymunwch heddwch Ierwshalem!

Llwydded y rhai a’th hoffont di!

7Bydded heddwch yn dy ragfur,

Llwyddiant yn dy balasau!

8Er mwyn fy mrodyr a’m cyfeillion,

Dywedwyf, attolwg, “Heddwch (fo) ynot!”

9Er mwyn tŷ Iehofah, ein Duw,

Y ceisiaf ddaioni i ti!