Psalmau 43 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Barn fi, O Dduw, a dadla fy nadl rhag y genhedlaeth ansanctaidd,

Rhag y dyn twyllodrus ac anghyfiawn dyro ddïanc i mi!

2Canys Tydi (wyt) Dduw fy ymddiffynfa: pa ham y’m ffieiddiaist,

Pa ham y rhodiaf yn alarus, yngorthrymder y gelyn?

3Danfon Dy oleuni a’th ffyddlondeb! boed iddynt hwy fy nhywys,

Boed iddynt fy nwyn at fynydd Dy sancteiddrwydd, ac at Dy drigfëydd,

4Fel y delwyf at allor Duw,

At Dduw, hyfrydwch fy ngorfoledd,

Ac y’th foliannwyf ar y delyn, O Dduw, fy Nuw!

5Pa ham y’th ddarostyngir, O fy enaid, ac yr ymderfysgi ynof?

—Disgwyl wrth Dduw, canys etto y câf Ei foliannu Ef,

Iachawdwriaeth fy ngwyneb, ac fy Nuw!