1I’r blaengeiniad. Psalm. Eiddo Dafydd.
2Rhyddha fi, O Iehofah, oddi wrth y dyn drwg,
Rhag y gwr treisig gwared fi!
3Y rhai a fwriadasant ddrygau yn (eu) calon,
Pob dydd y cyffröant ryfel,
4Llymhânt eu tafodau fel sarph,
Gwenwyn yr asp (sydd) dan eu gwefusau! Selah.
5Cadw fi, O Iehofah, rhag dwylaw ’r annuwiol,
Rhag y gwr treisig gwared fi!
Y rhai a fwriadasant wthio fy nghamrau:
6Cuddiodd y beilchion fagl i mi, a bachellau,
Taenasant rwyd ar ymyl y llwybr,
Hoenynnau a osodasant hwy i mi!
7 Dywedais wrth Iehofah, Fy Nuw Tydi (ydwyt),
Dyro glust, O Iehofah, i lef fy ymbiliau!
8Iehofah yr Arglwydd, Nerth fy iachawdwriaeth,
Gorchudd fuost i’m pen yn nydd y frwydr!
9Na chaniattâ, O Iehofah, ddymuniadau ’r annuwiol,
Ei fwriad na lwydda,—(na) ddyrchafer hwynt! Selah.
10Pen y rhai a’m hamgylchynant—
Blinder eu gwefusau a’u gorchuddio!
11Disgyned arnynt farwor;
Mewn tân y gwnaed Efe iddynt syrthio,
(Ac) mewn llif-ddyfroedd, fel na chyfodont!
12Gwr enllibus ni sefydlir ar y ddaear;
Y gwr treisig, drwg a’i hela i(’w) gwymp!
13Gwn y gweithia allan Iehofah ddadl y truan,
(Ac) achos y digymmorth rai!
14Yn ddïau y cyfiawn rai a ddïolchant i’th enw Di,
Y trig yr uniawn rai ger Dy fron!
Who We AreWhat We EelieveWhat We Do
2025 by iamachristian.org,Inc All rights reserved.
