Eshaiah 46 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1 Crymmodd Bel, plygodd Nebo,

Y mae eu delwau ar anifeiliaid ac ar lwythfilod,

Eu llwythau (sy’) drymion, yn faich i’r(anifail) diffygiol.

2Plygasant, crymmasant ynghŷd,

Ni allasant achub eu baich,

Ond hwy eu hunain mewn caethiwed a aethant.

3Gwrandêwch arnaf, dŷ Iacob,

A holl weddill tŷ Israel,

Y rhai a gludwyd (gennyf) o’r groth,

Y rhai a arweddwyd (gennyf) o’r bru.

4A hyd henaint Myfi (yw) Efe,

A hyd benwyni Myfi a’ch cludaf,

Myfi a wnaethum, a Myfi a arweddaf,

A Myfi a gludaf, ac a roddaf ddiangfa.

5I bwy y’m gwnewch yn debyg, ac y’m cystedlwch,

Ac y’m cyffelybwch, fel y byddom debyg?

6Gan dywallt aur o’r cŵd,

Ac arian mewn clorian a bwysant,

Cyflogant eurych, ac efe a’i gweithia yn dduw,

Hwy a ostyngant, ië, ymgrymmant (iddo);

7Dygant ef ar ysgwydd, arweddant ef,

A gosodant ef yn ei le, ac efe a saif,

O’i le ni syfl;

Ië, un a lefa wrtho ond nid ettyb yntau,

O’i gystudd ni rydd efe iachawdwriaeth iddo.

8Cofiwch hyn ac ymŵrolwch,

Gosodwch ef, droseddwŷr, at (eich) calon;

Cofiwch y pethau gynt eriôed

9Mai Myfi (sy’) Dduw, ac nad neb amgen,

Elöim, ac nad (oes) dim yn debyg i Mi;

10Yn mynegi o flaen llaw yr hyn a ganlyn,

Ac er cynt yr hyn na wnaed,

Gan ddywedyd Fy nghynghor a saif,

A’m holl ewyllys a wnaf:

11 Yn galw o’r dwyrain yr eryr,

Ac o wlad bell wr Fy nghynghor;

Yn ddïau Mi a ddywedais; yn ddïau gwnaf i hynny ddyfod;

Cynlluniais, yn ddïau Mi a’i gwnaf.

12Gwrandêwch arnaf, y rhai cedyrn galon,

Y rhai pell oddi wrth Fy nghyfiawnder;

13Nesêais Fy nghyfiawnder, nid yw ym mhell;

A’m hiachawdwriaeth nid oeda.

A rhoddaf yn Tsïon iachawdwriaeth,

I Israel Fy ngogoniant.