1Gwell y tlawd, yn rhodio yn ei uniondeb,
Na’r traws ei wefusau, ac yntau yn ffol.
2Hefyd, yn anwybodaeth yr enaid nid (oes) da,
A’r brysiog (ei) draed a fetha.
3Ffolineb dyn a ddadymchwel ei ffordd ef,
Ac yn erbyn Iehofah yr ymddigia ei galon.
4Golud a chwannega gyfeillion lawer,
Ond yr anghenus, oddi wrth ei gyfaill y gwahenir ef.
5Tyst gau ni ddïeuogir,
Ac anadlwr celwyddau ni ddïangc.
6Llawer a wenieithiant i wyneb yr hael,
A phawb (fydd) gyfaill i’r gwr rhoddfawr.
7Holl frodyr y tlawd a’i casânt ef,
Pa faint mwy y gwna ei gyfeillion ymbellhâu oddi wrtho?
— — — — — —
myned heibio i gamwedd.
12Fel rhuad llew (y mae) llid brenhin,
Ond fel gwlith ar laswellt (y mae) ei ffafr.
13Trallod i’w dad (yw) mab ynfyd,
Ond defni parhäus (yw) ynrysonnau gwraig.
14Tŷ a chyfoeth (sydd) etifeddiaeth tadau,
Ond oddi wrth Iehofah (y mae) gwraig synhwyrol.
15Syrthni a ddwg i lawr drymgwsg,
Ac enaid llaesawl a newyna.
16A gadwo ’r gorchymyn a geidw ei enaid,
A anystyrio ei ffordd a roddir i farw.
17Rhoddi echwyn i Iehofah (y mae) ’r graslawn i’r tlawd,
A’i gymmwynas a dâl Efe iddo.
18Cerydda dy fab, o herwydd y mae gobaith,
Ond ar ei ladd ef na ddod d’ewyllys.
19Y mawr (ei) lid a ddwg gospedigaeth,
Canys os achubi ef, etto trachefn y cei (wneud hyny).
20Gwrando gynghor, a derbyn gerydd,
Fel y byddech ddoeth yn dy amser dyfodol.
21Llawer bwriad (sydd) ynghalon dyn,
Ond cynghor Iehofah,—hwnnw a saif.
22 Dymuniad dyn (yw) ei drugaredd,
A gwell y tlawd na’r gwr celwyddog.
23Ofn Iehofah (sydd) i fywyd,
Yn ddiwall yr erys efe, heb ei ofwyo gan ddrwg.
24 Cudd y swrth ei law yn y ddysgl,
Ac at ei enau nid estyn efe hi.
25Gwatwarwr,—taraw ef, a’r ehud a aiff yn gall,
Ond cerydda ’r deallus, ac fe ddeall efe wybodaeth.
26A saräo (ei) dad,—a dröo allan (ei) fam,—
Mab gwaradwyddus a gwarthus (yw).
27 Paid, fy mab, â gwrando cerydd,
Er mwyn cyfeiliorni oddi wrth eiriau gwybodaeth.
28Tyst diras a watwar farn,
A genau ’r annuwiolion a lwngc anwiredd.
29Parod i watwarwyr (yw) cospedigaethau,
A phwyadau i gefn ynfydion.
Who We AreWhat We EelieveWhat We Do
2025 by iamachristian.org,Inc All rights reserved.
