Psalmau 33 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Llawen-genwch, O gyfiawn rai, am Iehofah,

I’r cyfiawn rai gweddus yw mawl!

2Dïolchwch i Iehofah â’r delyn,

A’r nabl ddegtant cenwch Iddo!

3Cenwch i Iehofah gân newydd,

Perffeithiwch y taraw’r tannau yn soniarus!

4Canys uniawn (yw) gair Iehofah,

A’i holl weithrediadau Ef (sydd) mewn ffyddlondeb:

5Caru cyfiawnder ac iawn (y mae Efe),

O radlondeb Iehofah cyflawn yw’r ddaear!

6Trwy air Iehofah y nefoedd a wnaethpwyd,

A thrwy anadl Ei enau Ef eu holl luoedd hwynt;

7Yr Hwn a gasglodd ynghŷd ddyfroedd y môr megis clawdd,

Yr Hwn a roes y tonnau mewn trysorfëydd;

8Ofni Iehofah a wnelo’r holl ddaear,

Rhagddo Ef arswyded holl drigolion y byd;

9Canys Efe a ddywedodd,—a bu(’r peth),

Efe a orchymmynodd,—ac ymorsafodd.

10Iehofah a ddrylliodd gynghor y cenhedloedd,

A ddiddymmodd amcanion y bobloedd:

11Cynghor Iehofah, yn dragywydd y saif,

Amcanion Ei galon Ef yn oes oesoedd:

12O ddedwyddwch y genedl yr hon (sydd) ag Iehofah yn Dduw iddi,

Y bobl a ddewisodd Efe yn etifeddiaeth Iddo!

13O’r nefoedd yr edrychodd Iehofah,

Gwelodd holl feibion dynion,

14O drigfa Ei orsedd yr ardremiodd Efe

Ar holl drigolion y ddaear,

15Yr Hwn a luniodd eu calon hwynt i gyd,

Ac sy’n ystyried eu holl weithredoedd.

16Nid (oes) frenhin a waredir trwy amlder cadernid,

Y gwron nid achubir trwy amlder nerth;

17Twyllodrus beth (yw)’r march am waredigaeth,

Trwy amlder ei gadernid ni rydd efe ddïangc.

18Wele, llygad Iehofah (sydd) ar y rhai a’i hofnont Ef,

Y rhai a ddisgwyliont wrth Ei radlondeb,

19I achub eu henaid rhag angau,

Ac i’w dadebru mewn newyn:

20Ein henaid ni a ddisgwyl wrth Iehofah,

Ein Cymmorth ac ein Tarian (yw) Efe,

21Canys ynddo Ef y llawenycha ein calon,

Canys yn Ei enw sanctaidd Ef yr ymhyderwn.

22Bydded Dy radlondeb, O Iehofah, arnom,

Megis y disgwyliwn Wrthyt!