Psalmau 9 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad ar mwth-labban. Psalm o eiddo Dafydd.

2Clodforaf Di, Iehofah, â ’m holl galon,

Mynegaf Dy holl ryfeddodau,

3Llawenychaf a gorfoleddaf ynot Ti,

Canaf Dy enw Di, O Oruchaf.

4Yn nychweliad fy ngelynion yn eu hol

Tramgwyddasant, a difawyd hwynt o’th flaen Di,

5Canys dygaist i ben fy marn a’m hachos,

Eisteddaist ar yr orsedd yn farnwr cyfiawn,

6Cystwyaist y bobloedd, distrywiaist yr annuwiol,

Eu henw a ddileaist yn dragywydd ac am byth;

7Am y gelyn—cwblhâwyd yr adfeiliau am byth,

A’i dinasoedd a ddiwreiddiaist,—darfu am eu coffa hwynt.

8Etto Iehofah a ymsedda yn dragywydd,

Sefydlodd Ei orseddfaingc i farn;

9Ac Efe a farn y byd mewn cyfiawnder,

Ac a rydd ddedfryd i’r bobloedd mewn uniondeb;

10A bydd Iehofah yn uchelfa i’r gorthrymedig,

Yn uchelfa yn amseroedd cyfyngder;

11Ac hyderus ynot Ti fydd y rhai a adwaenont Dy enw,

Na adewi y rhai a’th geisiont, O Iehofah.

12Canmolwch Iehofah, Preswylydd Tsïon,

Mynegwch ym mysg y bobloedd Ei weithredoedd Ef,

13Canys y Dialydd gwaed a’u cofiodd hwynt,

(Ac) nid anghofiodd Efe waedd y cystuddiol rai.

14Bydd raslawn wrthyf, Iehofah; gwel fy nghystudd gan fy nghaseion,

O fy Nyrchafydd o byrth angau,

15Fel y mynegwyf Dy foliant Di,

(Ac) ym mhyrth merch Tsïon y gorfoleddwyf yn Dy waredigaeth!

16Soddodd y bobloedd yn y pydew a’r a wnaethant,

Yn y rhwyd a guddiasant hwy y daliwyd eu traed;

17Amlygwyd Iehofah, barn a wnaeth Efe,

Yngwaith ei ddwylaw ei hun y maglwyd y drygionus. Higgaion. Selah.

18Ymchwelyd i annwn a gaiff y drygionus rai,

Yr holl genhedloedd, anghofwyr Duw,

19Canys nid am byth yr anghofir yr anghenog,

Gobaith y trueiniaid (ni) ddifâir yn dragywydd.

20Cyfod, Iehofah, nac ymgadarnhâed dyn,

Barner y cenhedloedd ger Dy fron Di;

21Gosod, O Iehofah, arswyd iddynt,

Gwybydded y cenhedloedd mai dynion hwynt hwy. Selah.