Iöb 16 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Yna yr attebodd Iöb, a dywedodd,

2Clywais o’r fath hyn lawer o bethau:

Cysurwŷr blinadwy (ydych) chwi oll.

3 Oni (fydd) diwedd i eiriau gwỳntawg?

Neu, pa beth sy’n dy ennynu fel yr attebit (felly)?

4Myfi hefyd a fedrwn lefaru fel chwithau

Ped fai eich enaid chwi yn lle fy enaid i,

Medrwn gyssylltu ymadroddion i’ch erbyn,

A medrwn ysgwyd fy mhen arnoch chwithau,

5Medrwn eich cryfhâu a’m genau,

A thosturi fy ngwefusau a allai attal (eich gofid).

6Os llefaraf fi, nid ymettyl fy nolur;

Ac os peidiaf, pa beth (o hono) a ymedy oddi wrthyf?

7Yn ddïau, yn awr Efe a’m gorflinodd;

Diffeithaist fy holl Ei ddigllonedd Ef a’m rhwygodd ac a’m cynllwynodd,

Ysgyrnygodd arnaf â’i ddannedd;

Yn elyn i mi, fe flaenllymmodd Efe Ei Iygaid yn fy erbyn.

10 Efe a’m rhwygodd â rhwygiad ar rwygiad,

Rhedodd arnaf fel gwron.

15Sachlïain a wnïais i ar fy nghroen,

A dodais fy nghorn yn y llwch;

16Fy ngwyneb sydd wedi ei ennynu gan wylo,

Ac ar fy amrantau tywyllwch angeuaidd (sydd);

17Er nad oedd anghyfiawnder yn fy nwylaw,

A bod fy ngweddi yn ddihalog.

18O ddaear, na orchuddia fy ngwaed,

Ac na fydded lle i’m gwaedd!

19Hefyd yn awr, wele, yn y Nefoedd y mae fy Nhyst,

A’m Tystiwr yn yr uchelder:

20Gwawdwŷr i mi (yw) fy nghyfeillion;

Wrth Dduw y difera fy llygaid (ddagrau,)

21Am i (un) ymddadleu dros wr gyda Duw,

A (thros fab) daearolyn yn erbyn ei gyfaill;

22Canys ychydig flynyddoedd a ddeuant,

A llwybr, na ddychwelaf (ar hyd-ddo,) a rodiaf fi;