Psalmau 10 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Pa ham, O Iehofah, y sefi o bell,

Yr ymguddi yn amser cyfyngder?

2Ym malchder y drygionus yr ymlysg y cystuddiol,

Delir hwynt yn y bwriadau a ddychymmygodd (y rhai yna);

3Canys cenmyl y drygionus chwant ei enaid,

A’r awyddgar a gân yn iach i, (ac) a ddirmyg Iehofah,

4Y drygionus yn ol codiad ei drwyn,—“Ni chwilia Efe allan”—

“Nid oes ’r un Duw”— (yw) ei holl feddyliau ef;

5 Sefydlog yw ei ffyrdd ef bob amser,

Rhy uchel (yw) Dy farn Di i’w olwg ef;

6Ei holl elynion,—efe a chwyth arnynt,

(Ac) a ddywaid yn ei galon “Ni ’m siglir i

O genhedlaeth i genhedlaeth, yr hwn (wyf) heb ddrygfyd;”

7O felldithio y mae ei enau yn llawn, ac o ddichell a chystudd,

Tan ei dafod trychineb ac anffawd (sydd);

8Eistedda ynghynllwynfa ’r pentrefydd,

Mewn cilfachau y lladd efe ’r diniweid,

Ei lygaid, am y truan yr ymguddiant;

9Cynllwyna mewn cilfach, fel llew yn ei ffau,

Cynllwyna i ymaflyd yn yr anghenog,

Ymeifl yn yr anghenog gan ei dynnu i’w rwyd;

10 Ymgrymma, ac ymostwng,

A syrthio yn ei grafangau y mae ’r trueiniaid;

11Dywaid yn ei galon “Anghofiodd Duw (hyn),

Cuddiodd Ei wyneb fel na wel (hyn) byth.”

12Cyfod, Iehofah; O Dduw, dyrcha Dy law,

Nac anghofia ’r trueiniaid!

13Pa ham y dirmyga ’r drygionus Dduw,

Y dywaid efe yn ei galon nad wyt yn chwilio allan?

14Gweled yr wyt, canys Tydi ar drychineb a thristwch a dremi,

Er mwyn eu dodi ar Dy law;

Arnat Ti y gedy ’r truan (ei achos),

I’r amddifad Tydi wyt gynnorthwywr:

15Chwilfriwia fraich y drygionus;

A’r annuwiol,—ceisi ei ddrygioni ef ond heb ei gael.

16Iehofah (sydd) frenhin yn dragywydd a byth,

Difair y cenhedloedd allan o’i dir Ef.

17Dyhewyd y trueiniaid a glywaist, O Iehofah,

Sefydlaist eu calon hwynt, blaenllymaist Dy glust,

18I farnu ’r amddifad a’r gorthrymmedig,

Fel na chwanego adyn, mab y ddaear, i beri dychryn mwyach!