Eshaiah 44 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Ond yn awr gwrando, Iacob Fy ngwas,

Ac Israel 『2yr hwn』 a 1ddewisais;

2Fel hyn y dywed Iehofah, yr Hwn a’th wnaeth,

A’r Hwn a ’th luniodd o’r grôth, Efe a’th gynnorthwya;

Nac ofna, Fy ngwas Iacob,

A thi Ieshwrun, 『2yr hwn』 a 1ddewisais;

3Canys tywalltaf ddyfroedd ar y sychedig,

A ffrydiau ar y sychdir;

Tywalltaf Fy yspryd ar dy hâd,

A’m bendith ar dy hiliogaeth:

4A hwy a dyfant, fel ym mysg dyfroedd (y tyf) glaswellt,

Fel helyg wrth ymyl ffrydiau dyfroedd.

5Hwn a ddywed Eiddo Iehofah (ydwyf) fi,

A’r llall a eilw (ei hun) ar enw Iacob,

Ac arall a ysgrifena (ar) ei law, “Eiddo Iehofah,”

Ac ar enw Israel yr ymgyfenwa.

6Fel hyn y dywed Iehofah, Brenhin Israel

A’i Adbrynwr, Iehofah y lluoedd,

Myfi y Cyntaf, a Myfi y Diweddaf,

Ac heblaw Fi nid (oes) Duw.

7Pwy (sydd) fel Myfi? adrodded efe,

A myneged y peth, a threfned ef i Mi,

Er pan osodais bobl hŷd byth;

A’r pethau sydd ar ddyfod, ar pethau a ddaw, myneged ef hwynt i chwi.

8Nac ofnwch, ac nac arswydwch;

Onid er hynny o amser y traethais it’,

Ac y mynegais? A chwi (yw) Fy nhystion.

A oes Duw ond Myfi?

Ië, nid (oes) graig (arall): nid adwaen I (un)

9Y rhai a luniant ddelw gerfiedig (ydynt) i gỳd oferedd,

A’u pethau dymunawl ni wnant lesâd;

Eu tystion yw y rhai hyn

Na welant, ac na wyddant,

10Fel y cywilyddier (pob un) am lunio o hono dduw,

Neu fwrw delw gerfiedig, yr hon ni wna lesâd.

11Wele, ei holl gyfranogwŷr a gywilyddir,

A’r seiri yn fwy na neb;

Ymgynnullant oll, safant i fynu,

Ofnant, cywilyddiant ynghŷd.

12Y gof 『2(sy) ’n torri』 『1darn o haiarn,』

Efe a weithia yn y glo, ac â morthwylion y’i llunia,

Ac efe a’i gweithia â 2nerth 『1ei fraich,』

Ië fe aiff yn newynog ac heb nerth,

Nid ŷf ddwfr, ac y mae yn diffygio.

13Y saer pren a estyn linyn,

Efe a’i llunia â phwyntyl,

Efe a’i gweithia â pheiriannau cerfio,

Wrth gwmpas efe a’i llunia,

Ac a’i gwna ar ol delw dyn,

Ar ol prydferthwch gwr, i aros (mewn) tŷ.

14Efe a dyr iddo gedrwŷdd,

Efe a gymmer brinwydden a derwen,

Ac a gadarnhâ ei hun â phrennau ’r coed;

Efe a blanna onnen a’r gwlaw a’i maetha,

15A hi a fydd i ddyn yn ymborth tân;

Ac efe a gymmer o’r rhai hyn, ac a ymdwymna,

Ië, efe a gynneu dân ac a boba fara,

Ië, gwna dduw ac addola ef,

Gwna ef yn ddelw gerfiedig, ac ymgrymma iddo.

16Rhan o honaw a lysg efe mewn tân:

Ar ran o honaw y cyweiria efe gig ac y bwytty,

Y rhostia rost fel y diwaller ef;

Ië, yr ymdwymna, ac y dywed,

Aha! ymdwymnais, gwelais dân.

17A’r gweddill o honaw yn dduw a wna efe, yn ddelw gerfiedig iddo;

Efe a ymgrymma iddo, ac a’i haddola,

Ac a weddia arno, ac a ddywed,

Achub fi, canys fy nuw Tydi (ydwyt);

18Ni wyddant ac ni ddeallant,

Canys edlynwyd 『2eu llygaid』 『1fel na allont weled;』

『2A’u calonnau』 『1fel na allont ddeall:』

19Ac ni ddychwel (dyn) i’w bwyll,

Ac nid oes wybodaeth, na deall i ddywedyd,

Rhan o hono a losgais mewn tân;

Ië, a phobais ar ei farwor fara;

Rhostiais gig a bwyttêais;

A’r gweddill o hono, ai yn ffieiddbeth y gwnaf fi (ef)?

Ai i foncyff o bren yr ymgrymmaf?

20Ymborth ar ludw y mae efe, calon dwylledig a’i gŵyr-drodd ef,

Fel nad achubo ei enaid, ac na ddywedo

Onid celwydd (sydd) yn fy neheulaw?

21Cofia hyn, Iacob,

Ac Israel, canys Fy ngwas tydi (ydwyt),

Lluniais di, gwas i Mi tydi (ydwyt);

Israel, ni ’th anghofir gennyf.

22Sychais ymaith 『2dy gamweddau』 『1fel cwmmwl.』

A’th 2bechodau 『1fel niwl.』

Dychwel attaf, canys adbrynais di.

23Llawen-genwch, nefoedd, canys gwnaeth Iehofah hyn,

Gwaeddwch, waelodion y ddaear,

Torrwch allan, fynyddoedd, â chân,

Y coed a phob pren ynddo,

Canys adbrynodd Iehofah Iacob,

Ac yn Israel yr ymogonedda Efe.

24Fel hyn y dywed Iehofah, dy Adbrynwr,

A’r Hwn a’th luniodd o’r grôth,

Myfi Iehofah, gwneuthurwr pob peth,

Gan estyn y nefoedd Fy hunan,

Gan ledu y ddaear o honof Fy hun.

25(Yr Hwn) gan ddiddymmu arwyddion y twyllwŷr

A 2bensyfrdana 『1hefyd y dewiniaid;』

Gan droi’r doethion yn eu hol

A 2ynfyda 『1hefyd eu gwybodaeth;』

26Gan sefydlu gair Ei was

A 3gwblhâ 『1hefyd gynghor』 『2Ei genhadon;』

Yr Hwn (sy)’n dywedyd wrth Ierwshalem Ti a breswylir,

Ac wrth ddinasoedd Iwdah, Chwi a adeiledir,

A’i hanghyfanneddfëydd a adferaf Fi;

27Yr Hwn (sy)’n dywedyd wrth eigion y môr, Bydd sych,

A’th afonydd Mi a sychaf;

28Yr Hwn (sy)’n dywedyd wrth Cyrus, Fy mugail (ydwyt,)

A’m holl ewyllys a gyflawna efe;

Yr Hwn (sy)’n dywedyd wrth Ierwshalem Ti a adeiledir,

Ac wrth y deml, Ti a sylfeinir.