Psalmau 11 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. Eiddo Dafydd.

Yn Iehofah yr ymddiriedaf!

Pa fodd y dywedwch wrth fy enaid,—

“Ffôwch i’ch mynydd, fel aderyn,

2Canys wele, y drygionus a annelant fwa,

Gosodasant eu saethau ar y llinyn,

I saethu mewn tywyllwch y rhai uniawn o galon;

3Canys y colofnau a ddymchwelwyd,

(A)’r cyfiawn—pa beth a wna efe?”

4Iehofah, yn llys Ei sancteiddrwydd (y mae),

Iehofah, yn y nefoedd (y mae) Ei orsedd,

Ei lygaid Ef sy’n gweled,

Ei amrantau Ef sy’n profi meibion dynion;

5Iehofah, y cyfiawn a brawf Efe,

Ond y drwg a ’r carwr trais Ei enaid Ef a gasâ;

6Gwlawia Efe ar y drygionus rai faglau,

Tân a brwmstan a phoethwỳnt (yw) rhan eu cwppan:

7Canys cyfiawn Iehofah, (a) chyfiawnder a gâr Efe,

A ’r uniawn rai a gânt weled Ei wyneb Ef.