Psalmau 132 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Cân y graddau.

Cofia, O Iehofah, i Ddafydd

Ei holl flinder,

2Yr hwn a dyngodd i Iehofah,

A addunedodd i rymmus (Dduw) Iacob,

3“—Nid âf i fewn pabell fy nhŷ,

Ni ddringaf ar erchwyn fy ngwely,

4Ni roddaf gwsg i’m llygaid,

(Nac) i’m hamrantau hûn,

5Hyd oni chaffwyf le i Iehofah,

Preswylfod i rymmus (Dduw) Iacob;”—

6Wele, clywsom am dani yn Ephratah;

Cawsom hi ym maesydd y coed;

7(Dywedasom,) “Dygwn hi i’w breswylfod Ef,

Gwarogaethwn o flaen maingc Ei draed Ef.”

8Cyfod, O Iehofah, i’th orphwysfa,

Tydi ac arch Dy odidowgrwydd!

9Dy offeiriaid a ymwisgont â chyfiawnder,

A’th saint a lawen-ganont!

10Er mwyn Dafydd Dy was,

Na thro yn ol wyneb Dy enneiniog!

11Tyngodd Iehofah i Ddafydd beth sicr,

Ni thrŷ Efe oddi wrtho,

“—O ffrwyth dy gorph y gosodaf ar yr orseddfaingc i ti,

12Os ceidw dy feibion Fy nghyfammod,

A’m cynreithiau y rhai a ddysgaf iddynt;

Hefyd eu meibion hwy, byth bythoedd,

A eisteddant ar yr orseddfaingc i ti.”—

13 Canys dewisodd Iehofah Tsïon,

Chwennychodd hi yn drigfa Iddo Ei hun!

14“Hon (yw) Fy ngorphwysfa byth bythoedd,

Yma y trigaf, canys chwennychais hi;

15Ei lluniaeth gan fendithio a fendithiaf,

Ei thlodion a ddiwallaf â bara,

16A’i hoffeiriaid a wisgaf âg iachawdwriaeth,

A’i saint hi gan lawen-ganu a lawen-ganant:

17Yno y paraf flaguro gorn i Ddafydd,

Y darparaf oleuni i’m henneiniog;

18Ei elynion a wisgaf â chywilydd,

Ond arno ef y disgleiria ei goron!”