Psalmau 126 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Cân y graddau.

Pan ddychwelodd Iehofah gaethiwed Tsïon,

Yr aethom fel y rhai sy’n breuddwydio:

2Yna, llawn o chwerthin oedd ein genau,

A’n tafodau o lawen-gân;

Yna y dywedasant ym mysg y cenhedloedd,

“Mawr bethau a wnaeth Iehofah i’r rhai hyn;”

3Mawr bethau a wnaeth Iehofah i ni,

Yr oeddym yn llawenychu!

4 Dychwel, O Iehofah, ein caethiwed,

Fel yr afonydd yn y dehau!

5Y rhai sy’n hau mewn dagrau,

A llawen-gân y bo iddynt fedi!

6Yr hwn gan fyned a â, a than wylo a gluda ’r hâd (sydd i’w) wasgaru,

Gan ddyfod deued efe â llawen-gân dan gludo ei ysgubau!