Psalmau 125 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Cân y graddau.

Y sawl a ymddiriedont yn Iehofah (sydd)

Fel mynydd Tsïon (yr hwn) ni syflir,

(Ond) yn dragywydd y mae ’n parhâu!

2Ierwshalem,—y mynyddoedd (sydd) o’i hamgylch hi;

Ac Iehofah (sydd) o amgylch Ei bobl,

O’r pryd hwn ac yn dragywydd:

3Canys ni orphwys gwialen annuwioldeb ar randir y cyfiawn rai,

Fel nad estyno ’r cyfiawn rai eu dwylaw at anwiredd!

4Gwna ddaioni, O Iehofah, i’r daionus rai,

Ac i’r rhai uniawn yn eu calonnau!

5Ond y rhai a ymdrônt i’w ffyrdd gwyrgeimion,

Gyrred Iehofah hwynt gyda gweithredwyr anwiredd!

Tangnefedd (a fo) ar Israel!