Eshaiah 23 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1 yr ymadrodd ynghylch tyrus.

Udwch, longau Tarshish!

Canys anrheithiwyd hi tu fewn a thu allan;

O dir Chittim y datguddiwyd iddynt.

2 Distêwch, drigolion yr arfordir;

Marchnadyddion Tsidon, y rhai sy’n tramwy’r môr, a’th lanwasant di.

3A chyda dyfroedd lawer had y Nilws,

Cynhauaf yr afon, (oedd) ei chnwd hi,

A hi a aeth yn farchnadfa ’r cenhedloedd.

4Cywilyddia, Tsidon, canys llefarodd y môr,

Ië, cryfder y môr, gan ddywedyd,

Nid ymddygais, ac nid esgorais,

Ni fagais wŷr ieuaingc, (ni) feithriniais forwynion.

5Pan glywir hyn yn yr Aipht,

Gwewyr a’u daliant wrth glywed son am Tyrus.

6Ewch drosodd i Tarshish; udwch, breswylwŷr yr arfordir.

7Ai hon eich (dinas) lawen chwi; yr hon er y dyddiau gynt (y mae) ei hynafiaeth?

Fe ddwg ei thraed ei hun hi ym mhell i drigo.

8Pwy a gynghorodd hyn yn erbyn Tyrus goronawg,

Yr hon (yr ydoedd) ei marchnattawŷr yn dywysogion, ei marsiandwŷr yn bendefigion y ddaear?

9 Iehofah y lluoedd a’i cynghorodd,

I ddifwyno balchder pob addurn,

Ac i ddifrio holl bendefigion y ddaear.

10Dos dros dy wlad fel afon,

O ferch Tarshish; nid (oes) amgaer mwyach.

11Ei law a estynodd Efe ar y môr, dychrynodd y teyrnasoedd;

Iehofah a orchymynodd am Canaan, ar ddinystrio ei chadernid.

12Ac Efe a ddywedodd, Ni chwanegi etto orfoleddu,

O dreisiedig forwyn, merch Tsidon.

I Chittim, cyfod, tramwy; hyd yn oed yno ni (bydd) llonyddwch i ti.

13Wele dir y Caldeaid,

Dyma’r bobl a’r nid oedd

Nes i Assur ei sylfaenu i drigolion yr anialwch;

Dyrchafasant ei dyrau, cyfodasant ei balasau;

Efe a’i rhoddes hi yn adfail.

14Udwch, longau Tarshish, canys anrheithiwyd eich nerth.

15A bydd yn y dydd hwnnw,

Yr anghofir Tyrus ddeng mlynedd a thrugain,

Megis dyddiau un brenhin.

Ym mhen deng mlynedd a thrugain

Y hydd Tyrus megis caniadau ’r buttain.

16Cymmer y delyn, amgylchyna’r ddinas, o buttain anghofiedig,

Bydd fedrus i daraw ’r tannau, amlhâ ’r gân fel y’th gofier.

17A bydd, ym mhen deng mlynedd a thrugain

Yr ymwêl Iehofah â Tyrus,

A hi a ddychwel at ei helw,

Ac a butteinia â holl deyrnasoedd y byd

Ar wyneb y ddaear.

18Ond bydd ei marchnadiad a’i helw yn sanctaidd i Iehofah;

Ni thrysorir, ac nid ystorir,

Canys i’r rhai sy’n trigo o flaen Iehofah y bydd ei marchnadiad,

Am fwytta hyd ddigonolrwydd, ac am ddillad neillduol.