1Psalm. Eiddo Dafydd.
O Iehofah, galw Arnat yr wyf,—brysia attaf,
Dyro glust i’m llais wrth alw o honof Arnat!
2Parod yw fy ngweddi, (fel) yr arogl-darth, ger Dy fron,
(A) dyrchafiad fy nwylaw (fel) offrwm y prydnhawn!
3Gosod, O Iehofah, wyliadwriaeth ar fy ngenau,
Cadw ddrws fy ngwefusau!
4Na ogwydda fy nghalon at beth drwg,
I weithredu gweithredoedd mewn annuwioldeb,
Gyda gwŷr a arferant anwiredd;
Ac nac ymborthwyf ar eu danteithion hwynt!
5Tarawed y cyfiawn fi,—caredigrwydd (yw),
Cosped efe fi,— olew ’r pen (yw),
Ni wrthyd fy mhen (ef),—ïe, eilwaith,
A’m gweddi (fydd) yn eu drygfyd!
6Pan y teflir i lawr eu barnwyr hwynt yn ymyl y graig,
Y clywant fy ngeiriau, mai melus ydynt!
7Fel un yn cwyso ac yn hollti yn y ddaear,
Y gwasgarwyd ein hesgyrn i enau annwn;
8Ond Attat Ti, O Iehofah yr Arglwydd, (y mae) fy llygaid,
Ynot Ti yr ymddiriedaf; na thywallt allan fy enaid!
9Cadw fi rhag y fagl a osodasant i mi,
A (rhag) hoenynnau arferwyr anwiredd!
10Syrthio yn ei rwydau ei hun a wnelo ’r annuwiolion,
Tra yr un amser y bo i myfi,—fyned heibio!
Who We AreWhat We EelieveWhat We Do
2025 by iamachristian.org,Inc All rights reserved.
