Eshaiah 11 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Ond fe ddaw allan wialen o gyff Iesse,

A Blaguryn o’i wraidd ef a ffrwytha;

2Ac fe orphwys arno ef yspryd Iehofah,

Yspryd doethineb a deall, yspryd cyngor a chadernid,

Yspryd gwybodaeth ac ofn Iehofah;

3Ei syniad fydd yn ofn Iehofah,

Ac nid wrth olwg ei lygaid y barn efe,

Nac wrth glywed ei glustiau yr argyhoedda efe.

4Ond efe a farn, mewn cyfiawnder, y tlodion,

Ac a argyhoedda mewn uniondeb dros rai llariaidd y ddaear,

Ac a dery ’r ddaear â gwïalen ei enau,

Ac âg anadl ei wefusau y lladd efe ’r anwir.

5A chyfiawnder fydd gwregys ei lwynau ef,

A ffyddlondeb gwregys ei arennau.

6Ac fe drig y blaidd gyd â’r oen.

A’r llewpard gyda’r mynn a orwedd,

A’r llo, a chenau ’r llew, a’r ych pasgedig (fyddant) ynghŷd,

A bachgen bychan a’u harwain;

7A’r fuwch a’r arth a borant ynghŷd,

Ynghŷd y gorwedd eu llydnod,

A’r llew, fel yr ŷch, a bawr wellt.

8Ac fe chwery ’r plentyn sugno ar dwll yr asp,

Ac ar ffau ’r wiber yr 2estyn『1yr hwn a ddiddyfnwyd』ei law.

9Ni ddrygant ac ni ddifethant yn fy holl fynydd sanctaidd,

Canys llawn fydd y ddaear o wybodaeth Iehofah,

Megis y dyfroedd ar y môr, yn ei doi.

10A bydd yn y dydd hwnnw

Wreiddyn Iesse, yr hwn a saif yn llumman i’r bobloedd;

Atto ef y cenhedloedd a gyrchant.

A bydd ei orphwysfa ef yn ogoniant.

11 A bydd yn y dydd hwnnw,

Y chwannega Iehofah i fwrw eilwaith Ei law

I feddiannu gweddill Ei bobl,

Y rhai a weddillir, o Assyria, ac o’r Aipht,

Ac o Pathros, ac o Cwsh, ac o Elam,

Ac o Shinear, ac o Hamath, ac o ynysoedd y môr.

12Ac Efe a gyfyd lumman i’r cenhedloedd,

Ac a gynnull grwydriaid Israel,

A gwasgaredigion Iwdah a gasgl Efe

O bedair asgell y ddaear;

13Ac fe ymedy cynfigen Ephraim,

A gorthrymwŷr Iwdah a dorrir ymaith,

Ni chynfigenna Ephraim wrth Iwdah,

Ac ni orthrymma Iwdah Ephraim.

14Ond hwy a ehedant ar derfynau ’r Philistiaid tuâ ’r gorllewin,

Ynghŷd yr yspeiliant feibion y dwyrain;

Edom a Moab fydd gosodfa eu dwylaw,

A meibion Ammon fydd (mewn) ufudd-dod iddynt.

15Ac fe ddifroda Iehofah dafod môr yr Aipht,

Ac Efe a ysgydwa Ei law ar yr afon yn nychryniadau Ei wỳnt,

Ac a’i tery hi yn saith ffrwd,

Ac a wna fyned drosodd mewn esgidiau.

16A bydd prif-ffordd i weddill Ei bobl Ef,

Y rhai a weddillir, o Assyria,

Megis y bu i Israel

Yn y dydd y daeth efe i fynu o dir yr Aipht.