Psalmau 93 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Iehofah sy’n teyrnasu, ardderchowgrwydd a wisgodd Efe,

Gwisgodd Iehofah nerth, ymwregysodd (âg ef);

A sicrhâwyd y byd fel na syflo:

2Sicr (yw) Dy orseddfaingc erioed,

Er tragywyddoldeb Tydi (ydwyt)!

3Dyrchafodd yr afonydd, O Iehofah,

Dyrchafodd yr afonydd eu llais,

Dyrchafodd yr afonydd eu twrf:

4Rhagor lleisiau dyfroedd lawer,

Y mawrydigion,—(rhagor) beisdonau’r môr,

Yn fawrydig, yn yr uchelder, (y mae) Iehofah!

5Dy gynreithiau ynt dra sicr,

I’th dŷ Di y gwedda sancteiddrwydd,

O Iehofah, dros hir ddyddiau!